Qurylǵy ıesiniń betine tıgen sátte-aq aerozolderdiń 99,8 paıyzyn bloktaıdy. Tehnologııa jylý emes plazmaǵa negizdelgen, vırýstar adamǵa jetkenge deıin aýada óledi. Qurylǵyda shlangti aýa shúmekteri jáne 4,5 kg rıýkzakty akkýmýlıator, elektronıka, aýa berý júıesi bar. Fızıkalyq qurylymnyń arqasynda betperde iske qosylǵan kezde de kórinbeıdi.
Kishkentaı kompıýter
«Apple» kompanııasynyń eń kishkentaı kompıýteri osy jyldyń sońyna deıin shyǵady.
«Bloomberg» málimetterinshe, Mac mini-diń jańa nusqasy jańartylǵan dızaınmen daıyndalyp jatyr. Jańa qurylǵynyń ólshemi Apple TV prıstavkasymen birdeı bolady. Onyń búıirleri 93 mm, al bıiktigi 31 mm. Tehnıkalyq sıpattamalarǵa keletin bolsaq, kompıýter iPad Pro-ǵa óte uqsas bolady.
Aýdan salǵan robot
AQSh-ta 3D prınterdiń kómegimen tolyqqandy aýdan salynyp jatyr.
«Icon» ázirlegen «Vulcan» robotty prınteri Tehas shtatynyń Djordjtaýn qalasyndaǵy 100 turǵyn úıdi basyp shyǵardy. Qazir sońǵy birneshe ǵımarattyń qurylysy aıaqtalyp jatyr dep jazady «Reuters». Dástúrli qurylyspen salystyrǵanda úılerdi 3D-men basyp shyǵarý tezirek jáne arzanyraq. Sonymen qatar jumysshyny kóp qajet etpeıdi jáne qurylys materıaldarynyń qaldyqtaryn azaıtady.
