Foto: Jetisý oblysynyń ákimdigi
Oblys ákimi Kúlıpa Bıjanovaǵa Qazaqstannyń maqtanyshyna aınalǵan batyr uldy tárbıelep ósirgeni úshin alǵys aıtyp, turǵyn úı kiltin saltanatty túrde tapsyrǵan bolatyn.
Jańa úı zamanaýı jıhazdarmen, turmystyq tehnıkamen tolyq jabdyqtalǵan. Bul óz kezeginde Kúlıpa Bıjanovanyń qolaıly jaǵdaıda ómir súrýine úlken septigin tıgizedi. Demeý Jadyraev bul úıdiń anasyna jyly uıa, jaıly meken, al ózi úshin qýana-qýana keletin súıikti shańyraǵy bolatynyn atap ótti.
Saltanatty qabyldaý kezinde oblys ákimi Beıbit Isabaev: «Alyp anadan týady», halqyna laıyqty perzent bola bilgen osyndaı er azamatty tárbıelep ósirgenińiz úshin eń aldymen, Demeýdiń anasy, Sizge alǵysymyzdy bildiremiz. Qurmettiń úlkeni, syıdyń tóresi eń birinshi anaǵa jasalýy kerek», degen bolatyn.
Jadyraevtar otbasy Demeýdiń sporttaǵy qajyrly jolynyń jáne aldaǵy jetistikteriniń belgisindeı bolǵan jańa úıge kóshýdi bastady.
