Bul kúnderi ál-Farabı atyndaǵy QazUÝ-dyń Baspasóz qyzmeti Qytaıdyń Soltústik-Batys polıtehnıkalyq ýnıversıtetiniń (SBPÝ) QazUÝ bazasyndaǵy fılıaly talapkerlerden qujattar qabyldanyp jatqanyn habarlaıdy.
Fılıal bakalavrıat túlekterine búginde suranysqa ıe «Elektronıka jáne kommýnıkasııalyq tehnologııalar», «Materıaltaný jáne ınjenerııa» men «Kompıýterlik ǵylymdar men tehnologııalar» mamandyqtaryn meńgerýdi usynyp otyr.
Joǵaryda atap ótkendeı, QR Prezıdenti Qasym-Jomart Toqaevtyń 2023 jyly mamyrda Qytaıǵa jasaǵan memlekettik sapary aıasynda QHR Soltústik-Batys polıtehnıkalyq ýnıversıtetiniń (SBPÝ) Qazaqstandaǵy fılıalyn ashý týraly kelisimge qol qoıylyp, osy qujat negizinde ál-Farabı atyndaǵy Qazaq ulttyq ýnıversıtetinde 12 qazanda QHR Soltústik-Batys polıtehnıkalyq ýnıversıtetiniń fılıaly ashyldy.
О́z kezeginde SBPÝ Academic Ranking of World Universities 2023 halyqaralyq reıtınginiń top-200 ense, THE 2023 reıtınginde top-600 (317-shi oryn) jáne U.S.NEWS 2023 halyqaralyq reıtınginde 253-shi oryndy ıelenedi.
Magıstratýranyń birinshi jylyn stýdentter Qazaqstanda, ekinshi jylyn Qytaıda oqıdy. Oqýyn aıaqtaǵan soń jastar eki joǵary oqý ornynyń QazUÝ men SBPÝ qos dıplomyn alady. Fılıal túlekteri halyqaralyq tehnologııalyq kompanııalarda qyzmet atqara alady.
Búginde kóptegen qytaılyq óndirýshiler Qazaqstanda ókildikterin ashyp jatqany aıan. Osy turǵydan kelgende QazUÝ jáne SBPÝ dıplomdary jas mamandarǵa Huawei jáne ZTE syndy QHR iri kompanııalaryna jumysqa ornalasý kezinde artyqshylyqtar men mol múmkindik bermek.
Oqýǵa tilek bildirýshiler keshendi testileýden (KT) ótýi qajet. Grant ıegerleri avtomatty túrde qabyldanady. Grant ıelenbegen, biraq 75 balldan joǵary ball jınaýshylar áńgimelesýden ótýge múmkindik alady. Fılıal stýdentterine qosymsha stıpendııalar beriledi. Qujattardy qabyldaý ýaqyty 20 tamyzǵa deıin jalǵasady.
