Foto: Oqý-aǵartý mınıstrligi
Oqý-aǵartý mınıstrligi osy jyly patronattyq tárbıedegi 17 660 jetim balanyń ómir súrý jaǵdaıy tekserilgenin habarlady. Tekserý barysynda olardyń turmystyq jaǵdaıyna, balalardyń densaýlyǵyna, fızıkalyq jáne emosıonaldyq damýyna, sondaı-aq otbasylyq qarym-qatynastaryna erekshe nazar aýdarylǵan.
«Qorǵanshylyq jáne qamqorshylyq organdary qyzmetkerleriniń sanyn arttyrý balalardyń quqyqtaryn qorǵaý júıesiniń sapasyn jaqsartýǵa yqpal etedi. Qyzmetkerlerdiń kásibıligi men óz jumysyna jaýapkershilikpen qaraýynyń arqasynda biz ár balanyń quqyǵynyń qorǵalýyna jáne ózin qaýipsiz sezinýine jaǵdaı jasaımyz. Bul balalardyń ómir súrý sapasyn jaqsartyp qana qoımaı, olardyń quqyqtaryn qorǵaýdyń búkil júıesin nyǵaıta otyryp, bolashaǵyn jarqyn etedi», deıdi Balalardyń quqyqtaryn qorǵaý komıtetiniń tóraǵasy Nasymjan Ospanova.
