Pavlodarda qaldyqtardy jaǵý zaýytynyń máselesi kóterildi

PAVLODAR. 12 maýsym. Oblystyq aýyl sharýashylyǵy basqarmasynda qaýipti qaldyqtardy jaǵý zaýytynyń qurylysyna qarsylyq tanytýǵa arnalǵan kezdesý ótti. Bul týraly egemen.kz tilshisi habarlady. Onda qala turǵyndardyń talabyn eskergen Energetıka mınıstrliginiń ókilderi qurylysty basqa qalada salý týraly ýáde berdi. Kezdesýge «Egis» jobasy óńdeý kompanııasy qaýipti qaldyqtar basqarmasynyń sarapshysy Fılıpp Fısho men Dúnıejúzilik bank ınvestorynyń aǵa ekonomısti Keıtlın vann den Berg, ónerkásip jáne ekologııa salasynyń mamandary qatysty. Stokgolm konvensııasyna sáıkes 2025 jyly Qazaqstan topyraq pen sýda jınalyp qalǵan qaldyqtardy paıdaǵa jaratý kerek. Ol úshin el aýmaǵynda qýattylyǵy jylyna 20 myń tonna qaýipti qaldyqty jaǵatyn zaýyt jumys isteýi tıis kórinedi. Zaýyttyń qurylysyna qarsy qozǵalysty pavlodarlyq jýrnalıster de qoldaıdy. Qoǵamdyq tyńdaý barysynda qatysýshylar óńir turǵyndarynyń pikirlerin bilý úshin referendým ótkizý jóninde usynys aıtty. «Pavlodar oblysy azamattyq alıansy» qoǵamdyq birlestiginde 20 myńnan astam turǵyn qol qoıǵan qujat bar. Farıda Byqaı. Derek, sýret: egemen.kz