1999 jyldan beri shırek ǵasyr ýaqytta bul kompanııa óziniń maqsatyn oryndap, tutynýshylar tarapynan dámdi, sapaly ónimderi úshin syı-qurmetke bólenip keledi. Kompanııa quramyna enetin 24 bólim elimizdiń túkpir-túkpirinde ornalasqan. Barlyq zaýyty eń jańa eýropalyq jabdyqtarmen jaraqtalǵan. Al ortalyq keńsesi Almaty qalasynda ornalasqan.
Saýda núktelerin jaýlaǵan «Maslo-del» 100-ge jýyq azyq-túlik ónimin shyǵarady. Sonyń ishinde sary maı, ósimdik maıy, ónerkásip maıy, irimshik, margarın, maıonez, ketchýp, tomat pastasy, untaqtalǵan sút, qoıýlatylǵan sút ónimderi kópshilikke keńinen tanymal.
«Maslo-del» kompanııasynyń birneshe kásiporny bizdiń óńirde de bar. Petropavldaǵy «Maslo-del» sút zaýyty 2004 jyly ashylǵan. Bul zaýyt sarymaı, ýltra pasterlengen sút, aıran, qaımaq, irimshik jáne ashytylǵan sút ónimderiniń basqa da túrin óndiredi. О́ndiristiń qýaty jylyna 66 myń tonnaǵa deıingi shıki sútti óńdeýge jetedi. Ondaǵy sheteldik óńdeý quraldarynyń qýaty táýligine 200 tonnadaı sútti óńdeýge shaqtalǵan.
Kásiporyn shıkizattyń 70 paıyzyn sharýashylyqtardan, 30 paıyzyn jeke adamdardan qabyldaıdy.
Qazir óńirde 100 agroqurylym sút óndirýmen aınalysady. Sonyń 36-sy – zamanaýı taýarly-sút kesheni. Bıyl taǵy 9 taýarly-sút fermasy salynyp jatyr. Ol úshin Eýropa elderinen, Reseıden 1 500-den astam tuıaq qara mal jetkizildi. Byltyr ǵana «Soltústik» ÁKK-niń jeńildetilgen nesıesi arqyly «Atameken-Agro Korneevka», «Azııa Toranǵul», «Gerdt», «Nejınka Erke», «Zelenye lýga» JShS taýarly-sút fermalaryn turǵyzýǵa nıet bildirip, bıyl olardyń kóbi qarjylandyrylyp, iske kirisken. Árqaısysy 400-den 1 300 tuıaqqa shaqtalǵan keshender salǵan. Oblysta barlyǵy osyndaı 18 keshen turǵyzylmaqshy. Oǵan 17 mlrd teńge qarastyrylǵan.
Aýyl sharýashylyǵy mınıstrligi bıylǵy jartyjyldyqta byltyrǵa qaraǵanda sút óndirý 4,8 paıyzǵa ulǵaıǵanyn jarııalaǵan edi. Osy jetistiktiń negizin qalaǵandardyń biri – soltústiktiń sút óndirýshileri. Qazir munda barlyǵy 700 myń tonnadaı sút óndirilip, odan 215 myń tonnanyń daıyn ónimi alynady. Respýblıka boıynsha barlyq sút óndirý men óńdeýdiń 25 paıyzy teristikke tıesili.
Mine, osyndaı taýarly sút keshenderiniń shıki súti «Maslo-delge» jetkizilip, óńdelip, daıyn ónimge aınalǵan soń, elimizdegi 50 myńnan astam saýda núktesinde tutynýshyǵa usynylady. Sonymen birge, kásiporyn sút, aıran jáne qaımaq ónimderi boıynsha táýliktik qýattylyqty 60 tonnadan 450 tonnaǵa deıin jetkize alatyn jabdyqtarmen jańǵyrtýdy kózdep otyr. Qazir zaýyt jylyna 104,8 myń tonna daıyn ónim shyǵarady.
Kompanııanyń Petropavldaǵy fılıalynyń basshysy Inna Pıskýnovanyń aıtýynsha, byltyr fırma oblysta iri salyq tóleýshilerdiń qataryna qosylǵan. О́nim sapasyna da eshkimnen shaǵym túspegen.
«О́nimderimizdiń sapasy joǵary. Kez kelgen ádiletti básekege tótep bere alamyz. Elimizge syrttan ákelingen, naqty aıtsaq Reseıden engizilgen sút ónimderine qaraǵanda bizdiń ónimderimizdiń sapasy áldeqaıda joǵary ekenin zerthanada arnaıy tekserýden ótkizip, kózimizdi jetkizdik», deıdi.
Otandyq sút ónimderi sapasyn anyqtaıtyn «Dosmart.kz» keshbek-servıs» uıymy 2021 jyly 313 azyq-túlik dúkeninen satyp alynǵan 74 myń sút chekterin saralaǵan qorytyndyny jarııalady. Sóıtip, sút ónimderi reıtıngin anyqtaǵan edi. Sonda «Petropavldyń súti» ataýymen satylǵan Qyzyljar súti Almaty, Semeı, О́skemen, Shymkent, Taldyqorǵan, Qyzylorda qalalarynda birinshi oryn alǵan. Jalpy, «Maslo-del» kompanııasynyń ıeliginde sút zaýyttary ǵana emes, elevator, maı press zaýyty jáne maı kombınatyn qosa alǵanda bes óndiristiń jelisi bar. Bul ıntegrasııalanǵan qurylym ónimderdiń joǵary sapa standartyn qamtamasyz etýge múmkindik beredi.
Soltústik Qazaqstan oblysy
