Foto: Aqmola oblysy ákimdigi
13 tamyz kúni Aqmola oblysy ákimdiginiń bastamasymen kezdesý ótti. Is-shara barysynda oblys ákimi Marat Ahmetjanov Atbasar qalasy temir joldardyń kólik torabyna aınalýy tıis ekenin atap ótti.
«Zaýyt qurylysy Memleket basshysynyń tapsyrmasy aıasynda júzege asyp jatyr. Joba tek salany ǵana emes, búkil óńirdi damytýdyń jańa kezeńin beredi. Sonyń ishinde jańa jumys oryndaryn qurý. Aıta keteıik, Atbasar qalasy - úlken tarıhy bar temirjol toraby. Onda temir jol qyzmetkerleriniń áýletteri turady», dep atap ótti óńir basshysy.
О́z kezeginde «Qamqor Lokomotıv» JShS dırektory Altaı Jumataev kásiporyn barlyq zamanaýı talaptarǵa saı keletinin tilge tıek etti.
«Teplovozdyq jáne elektrovozdyq tartqyshy bar lokomotıvterdi qurastyrý júrgiziletin bolady. Sonymen qatar ekologııalyq komponent boıynsha talaptar qarastyrylǵan – bul tartymdylyqtyń suıytylǵan gazǵa aýysýy. Oryn Atbasarda jumys istep turǵan zaýyttyń bar stansııasy boıynsha tańdaldy. Ol logıstıkalyq turǵydan da durys tańdaldy, óıtkeni ol respýblıkalyq tasjol ótetin jáne memleket ortalyǵy jaqyn ornalasqan kólik aıryǵynda ornalasqan», dedi A.Jumataev.
Taıaý aradaǵy josparlarǵa sáıkes bıyl tehnıkalyq-ekonomıkalyq negizdeme ázirlenip jatyr. Qazirdiń ózinde jer ýchaskesi anyqtalǵan. Zaýyttyń qurylysy 2025 jyly bastalyp, 2026 jyldyń sońynda zaýyt alǵashqy lokomotıvti shyǵarýdy kózdep otyr.
Aıta keteıik, jobany paıdalaný jáne salý kezeńinde kásiporynda 800 adam jumysqa ornalasady. Jeke ınvestısııalyq jobanyń quny shamamen 47 mlrd teńgeni quraıdy. Aqmola oblysy ákimdigi tarapynan jobany súıemeldeýmen «AQMOLA INVEST» ınvestısııalardy damytý ortalyǵy aınalysatyn bolady.
