Foto: Ashyq derekkóz
Jylyoı aýdany prokýratýrasy dárigerlerdiń azamattarǵa tegin medısınalyq kómektiń kepildik berilgen kólemimen qamtamasyz etý mindetterin elemeý faktilerin anyqtaǵan. Atap aıtqanda, aýdandyq aýrýhanada esepte turǵan tegin dári-dárimek alatyn azamattardyń sany negizsiz qysqartylǵan, sondaı-aq taýar jetkizýshi dárilik zattardy ýaqtyly jetkizbegen.
«Qadaǵalaý aktisi boıynsha ortalyq aýrýhanada qant dıabeti, arterıaldyq gıpertenzııa dıagnozdarmen esepte turǵan 4 054 azamatqa 19 155 349 teńgege 4 866 qaptama kóleminde dári-dármekter (Djardıns, Invokana, Trajenta, Forsıga jáne t.b.) berildi. Turǵyndardyń konstıtýsııalyq quqyqtary qalpyna keltirildi», dep habarlady Atyraý oblysy prokýratýrasynyń baspasóz qyzmeti.
Aýdandyq aýrýhananyń jaýapty laýazymdy tulǵasy tártiptik jaýapkershilikke tartylǵan.
