Foto: Vıdeodan alynǵan kadr
Eske sala keteıik, osydan birneshe kún buryn Astanadaǵy Syǵanaq kóshesindegi 12 qabatty turǵyn úı kesheninde joǵarǵy qabattardaǵy páterlerdiń birinde órt shyqqan bolatyn. О́rt shyqqanyn baıqaǵan Altynbek Altaev oılanbastan balkonnan janyp jatqan terezege sekirip, balany aman alyp qalǵan.
Erlik kórsetken Altynbek Altaevty Astana qalasynyń ákimi Jeńis Qasymbek marapattady.
«Altynbek Altaevpen jáne onyń ulymen kezdestim. Er adam turǵyn úı kesheniniń joǵarǵy qabatynda bolǵan órtten qyz balany qutqaryp qaldy. Altynbektiń aıtýynsha, qyzyl jalynǵa oranǵan páterdi kórgennen keıin balkonnan órtenip jatqan terezege esh oılanbastan sekirip kirgen. Onyń osyndaı jaýapty sátte úreıge boı aldyrmaı, qaýipke bel býǵany tańǵaldyrady ári bul áreketi qurmetke laıyq! Turǵyndarymyzdyń qysyltaıań sátte shet qalmaı, kómekke umtylatynyn maqtan tutamyz!», dep jazdy Jeńis Qasymbek áleýmettik jelidegi paraqshasynda.
