Foto: dzen.ru
Mınıstrlik respýblıkada tumaý boıynsha epıdahýal qalypty dep otyr.
«Bıyl tumaýǵa qarsy reseılik «Grıppol» vaksınasynyń 2,2 mln dozasy satyp alyndy. 1 qyrkúıekke deıin barlyq medısınalyq uıym vaksınasııaǵa daıyn bolýy tıis», dedi Tımýr Sultanǵazıev tilshilerdiń saýalyna bergen jaýabynda.
DSM birinshi vıse-mınıstriniń sózinshe, medısınalyq qyzmetkerler, balalar, júkti áıelder, sozylmaly aýrýy bar eresek adamdar, medısınalyq-áleýmettik uıymdarda turatyndar ekpeni tegin alady. Azamattardyń qalǵan sanaty ekpeni aqyly túrde alýyna bolady. Tımýr Sultanǵazıev jekemenshik emhanalar men dárihana jelileri tumaýǵa qarsy vaksınany satyp alatynyn jetkizdi.
Sanıtarııalyq-epıdemıologııalyq baqylaý komıteti tóraǵasynyń orynbasary Záýre Ahmetovanyń aıtýynsha, jyl saıyn elimizde halyqtyń 12 paıyzdan astamy tumaýǵa qarsy ekpe alady.
