Máselen, súńgýir qaıyq jabdyqtaryn ızolıasııalaýǵa tek osy zaýyttyń kabelderi qoldanylady eken. Súńgýir qaıyq degenniń ózi elektr qýatynan bir sát te aıyrmaı, adamnyń júregi sııaqty tynymsyz jumys istep turady ǵoı. Sondaıda kabelder qalaı qyzbasyn? Qural-jabdyqtary tipti qol tıgizbeı ysıtyn kórinedi. Oǵan tek sapasy óte joǵary kabelder ǵana shydas beredi. Al olar bizdiń Petropavlda jasalǵan.
90-jyldardyń basyndaǵy ekonomıkalyq daǵdarys kezinde osy zaýyttyń da barlyq qural-jabdyǵy men shıkizattyq materıaldary talan-tarajǵa tústi.
Áskerı zaýyt bolǵandyqtan baqylaý da az bolǵan sııaqty, áıteýir kóp dúnıeleri Reseıge tasylyp áketilgeni anyq. Mine, osy zaýyttyń silemine «Izolıt» kásiporyny ıe bolyp qalǵan. 1992 jyldyń 9 qańtarynda «Izolıt» JShS jumysyn bastaıdy. Sodan bergi 32 jylda «Izolıt» Petropavldaǵy júz adamdaı adam nápaqasyn aıyratyn shaǵyn kásiporynǵa aınaldy. 2017 jyldyń qarasha aıynan bastap bas dırektor qyzmetin Aleksandr Bebeshko atqaryp keledi.
О́nimderi kásibı mamandarǵa bolmasa, jalpaq kópshilikke tanymal emes. О́nerkásipke qoldanylatyn matalar, elektrızolıasııalyq matalar, shynyvoloknadan jasalatyn ızolıatorlar, slıýdalar, laktar, jelimdi boıaýlar, mekanıtter shıkizat retinde qoldanylyp, elektrızolıasııalyq daıyn ónimder jasalady. Olardyń qatarynda turmysta jıi qoldanylatyn ızolentadan bastap elektrızolıasııalyq juqa materıaldar, joǵary voltti elektrmashınalaryna arnalǵan ızolıasııalyq oraýyshtar, mashınanyń kollektoryna arnalǵan shyrmaýyqtar, qaǵazǵa shaıyr sińirilip, prestelgen materıaldar, únemi qysymda bolatyn temir materıaldardyń arasyna salynatyn ızolıasııalyq saqınalar sekildi 60 shaqty ónim túri bar.
Kásiporyn 2023 jyldyń qorytyndysy boıynsha bıýdjetke 80 mln teńgedeı salyq tóledi. Onyń ónimderin «Qazaqstan temir joly», Reseıdiń jáne basqa memleketterdiń temirjol mekemeleri tutynady. Alys shetelderdiń arasynda Qytaı men Úndistan kásipkerleri petropavldyq zaýyt ónimderine muqtajdyq bildirip otyr. Qorǵanys kásiporyndary «Izolıt» shyǵaratyn «Argof-EP» atty elektrızolıasııalyq emaldy úlken suranyspen alady. Bul – epoksıdti shaıyrdan jasalyp, arnaýly oryndarda ǵana qoldanylatyn elektrızolıasııalyq ónim.
«Únemi suranysta bolyp, klıentterdiń kóńilinen shyǵyp otyrý úshin ónimderdiń sapasy óte joǵary bolýy kerek. Sondyqtan munda ónim sapasyna qatty kóńil bólinip, olardyń memlekettik standartqa sáıkestigi túrli ólshegish quraldarmen jiti tekseriledi. Jaramaı qalǵan materıaldar birden joıylady. Bizde ár kúni tehnologterdiń jumysyna baqylaý jasalady. Tehnıkalyq baqylaý qyzmetkerlerine talap kúshti. Jabdyqtaýshylar, marketologterge da qatań talaptar qoıamyz», deıdi bas dırektor Aleksandr Bebeshko.
Kompanııa 2020 jyly Prezıdenttiń «Altyn sapa» syılyǵynyń sheńberinde beriletin «Isker» arnaıy syılyǵyn aldy. Buǵan deıin ol Prezıdent taǵaıyndaǵan «Paryz» syılyǵynyń «Ekologııany tazartýǵa qosqan úlesi úshin» atalymyn jeńip alǵan edi. «Izolıt» JShS kásipkerler palatasymen de, jergilikti ákimdikpen de tyǵyz baılanys ornatyp, barlyq memlekettik jáne qoǵamdyq is-sharalarǵa belsendi qatysyp otyrady.
«Biz bolashaqqa úlken senimmen qarap, kásipornymyzdyń damyp, qyzmetkerlerimizdiń jáne elimizdiń jaqsy turmysqa jetýi jolynda aıanbaı qyzmet etemiz», deıdi Aleksandr Bebeshko.
PETROPAVL
