AFD – bul Eýrazııa óńiriniń jyl saıynǵy qarjy konferensııasy, ol 2018 jyldan beri qarjy salasynyń jetekshi sarapshylarynyń, ınvestorlar men bıznes-kóshbasshylardyń basyn qosatyn platforma retinde qyzmet etip keledi. Jyl saıyn álemniń 70-ten astam elinen 3000-nan astam qatysýshy osy aıtýly oqıǵaǵa qatysady, bul kórsetkishter onyń Ortalyq Azııanyń qarjylyq ómirindegi mańyzyn aıshyqtaıdy. Memlekettik organdardyń ókilderi, qarjy salasynyń sarapshylary, ınvestorlar men bıznes basshylary qarjy salasynyń qazirgi zamanǵy problemalaryn, úrdisteri men múmkindikterin talqylaý úshin bir alańǵa jınalady.
Konferensııanyń altyn seriktesteri – Visa, Freedom Holding Corp, Kaz Minerals, kúmis seriktesteri – Solidcore Resources, Eurasian Bank, MYD Production.
Bıyl «Innovasııa, Investısııa, Serpin» baǵyttary boıynsha ótetin konferensııanyń baǵdarlamasy: Qazaqstannyń ınvestısııalyq múmkindikteri, kapıtal naryqtarynyń óńirlik damýy, venchýrlyq ınvestısııalar, aktıvterdi basqarý salasyn damytý áleýeti, kreatıvti ındýstrııaǵa ınvestısııalar, jasandy ıntellektiniń damý úrdisteri, ornyqty qarjylandyrýdyń jańa quraldary, Ortalyq Azııadaǵy «jasyl» ekonomıkanyń damýy men ósýi, ıslamdyq jáne ótpeli qarjylandyrý, qarjy ındýstrııasyndaǵy ınnovasııalar jáne t.b. taqyryptardy qozǵaıdy.
Konferensııada sondaı-aq qarjy ortalyǵynyń qatysýshy kompanııalarymen syndarly dıalog júrgizýge jáne olarǵa qoldaý kórsetýge járdemdesýdi kózdeıtin AIFC Community bastamasy aıasynda paneldik sessııalar ótedi. Qatysýshylar qandaı kompanııalar jáne qandaı sebeptermen óz bıznesi úshin Ortalyqty tańdaıtynyn, AHQO quqyǵyn korporatıvtik basqarýǵa engizý is júzinde qalaı ótetinin biletin bolady. AIFC Community aıasyndaǵy sessııalar iskerlik baılanystar ornatýǵa jáne AHQO qatysýshylarynyń Qazaqstan ekonomıkasyna qosqan úlesin túsinýge yqpal ete otyryp, olardyń qyzmetimen tanysý jáne ózara qarym-qatynas jasaý úshin múmkindikter ashady.
Sonymen qatar AFD barysynda genderlik teńdikti ilgeriletýge jáne daýlardy sheshý salasyndaǵy áıelderdiń quqyqtary men múmkindikterin keńeıtýge arnalǵan «Arbitral Women» is-sharasy ótedi. Budan basqa, konferensııa aıasynda birqatar ekijaqty kelisimge qol qoıylady.
AHQO ınvestısııalyq múmkindikterdi zerdeleý, netvorkıng jáne óńirdegi sońǵy qarjylyq úrdister men oqıǵalar týraly aqparat almasý úshin barshany AFD 2024-ke qatysýǵa shaqyrady.
Konferensııaǵa tirkelý úshin https://astanafindays.org/ru/registration/ siltemesi boıynsha ótińiz.
