Foto: Turar Qazanǵapov
Jelide taraǵan aýdıo-habarlamalarda qaýipti adam bas-aıaǵyna deıin qara kıim kıgeni aıtylǵan:
«Taıaý kúnderi «Maslodelo» aýmaǵynda tótenshe jaǵdaı boldy. Onda jalǵyz ketip bara jatqan áıeldi uryp-soǵyp, qasyndaǵy balasyn urlap ketpek bolǵan. Men muny «Maslodeloda» kólik júrgizshisi bolyp isteıtin tanysymnan estidim. Oqys oqıǵany baıqaǵan er adamdar kómekke kelip, balany qutqaryp qalǵan, al áıeldiń bet-júzi jaralanǵan. Sondyqtan ata-analar balalaryńyzdy qorǵap, baqylap júrińizder. Olar ashyq túrde balalardy urlaýǵa kirisken», delingen.
Ekinshi turǵyn joldaǵan habarlamada:
«Ol áıel keshke joldasyn jumystan kútip almaq bolyp shyqqan eken. Qorqynyshty adam áıeldi Juldyzdan «Maslodeloǵa» deıin ańdyp barypty. Jurtshylyqtan tasa jerde áıeldi uryp-soǵyp, balasyn tartyp almaq bolǵan. Olarǵa aqsha da, basqa da emes balalar kerek. Polısııa oqıǵa ornyna kelgende onyń burynnan qolǵa túsire almaı júrgen «manıak» ekenin aıtty», delingen.
Alaıda Almaty qalalyq polısııa departamenti bul aqparatty joqqa shyǵardy.
«Áıeldiń densaýlyǵyna zııan keltirý faktisi boıynsha qylmystyq is qozǵaldy. Istiń obektıvti mán-jaıy anyqtalyp jatyr. Sonymen birge manıak balalardy ańdyp júrgeni týraly aqparat shyndyqqa janaspaıdy. Almaty qalalyq polısııasy jalǵan aqparat taratpaýdy jáne jalǵan derekterdiń qaıtalanýyna yqpal etpeýdi talap etedi. Bul áreketter qylmystyq jaýapkershilikke tartylady», delingen qalalyq polısııa taratqan habarlamada.
