Foto: Pixabay
Kámeletke tolmaǵan bala tisin emdetken kúni-aq, ózin nashar sezinip, jaq súıegi isine bastaǵan.
Keıinnen oblystyq kópsalaly aýrýhanada «Sol jaq tómengi jaqtyń jedel irińdi odontogendi flegmonasy, 7,5 tisin julǵandaǵy jaǵdaıy» dıagnozy qoıylyp, eki ret operasııa jasalǵan.
6 aıdan keıin balanyń jaq súıegi qaıta isip, Almatyda aqyly túrde em-shara alýyna týra kelgen.
Jábirlenýshi balanyń anasy shaǵymdanǵan soń, Medısınalyq jáne farmasevtıkalyq baqylaý departamenti tekserý júrgizip, nátıjesinde bastapqyda klınıkalyq dıagnostıka jáne emdeý hattamasy saqtalmaǵanyn anyqtaǵan.
Odan keıin jábirlenýshi tarap, moraldyq, materıaldyq shyǵyn óndirý maqsatynda sotqa aryzdanǵan. Aryzda balanyń densaýlyǵyna keltirilgen zalaldan eki jyl boıy uıyqtaı almaı, múgedek bolyp qalǵany jazylǵan.
Qazirgi tańda sot stomatologııalyq emhanadan 1,5 mıllıon teńgeden astam ótemaqy óndirdi.
