Foto: Ulttyq ulan
«2023 jylǵy 4 jeltoqsanda Ulttyq ulannyń «Ońtústik» óńirlik qolbasshylyǵynyń áskerı bóliminde qyzmet ótkerip jatqan qatardaǵy jaýynger Erbaıan Muhtar basyn aýyr jaraqattap aldy. Bul fakt boıynsha, buryn baıandalǵandaı, qylmystyq is qozǵaldy, ony Ishki ister mınıstrliginiń Áskerı-tergeý departamenti tergep jatyr. Tergeý barysy Bas áskerı prokýratýranyń qadaǵalaýynda», dedi general.
Sondaı-aq ol Ulttyq ulan Bas qolbasshylyǵynyń áskerı-medısınalyq basqarmasy qatardaǵy Muhtarǵa jan-jaqty qoldaý kórsetip jatqanyn aıtty. Onyń aıtýynsha jaýyngerge ótemaqy tólenip, Reseı men Túrkııanyń jetekshi klınıkalarynda odan ári emdeý boıynsha jumystar uıymdastyrylǵan.
«Biz únemi qajetti qoldaý men kómek kórsetý arqyly zardap shekken adamnyń otbasymen baılanysyp otyrmyz. Sizderden resmı jáne senimdi kózderden alynǵan aqparatqa senýlerińizdi suraımyz», delingen úndeýde.
