Vedomstvo basshysynyń aıtýynsha, Astanada statıstıka boıynsha azamattardyń basym bóligi sottan tys bankrottyq rásimin qoldaný týraly ótinim berdi.
- Astana qalasy boıynsha 7 495 ótinish tústi, onyń ishinde 1 347 jeke tulǵaǵa qatysty rásim aıaqtaldy. Iаǵnı, olarǵa «bankrot» mártebesi berilip, bereshek esepten shyǵaryldy. 5 268 ótinish boıynsha bas tartyldy, 180 ótinishti azamattardyń ózderi keri qaıtaryp aldy, 700 ótinish búgingi tańda qaralýda, – deıdi Isabek Zaýytbekuly.
Aıta keteıik, 2024 jyly 19 maýsymda «Qazaqstan Respýblıkasynyń keıbir zańnamalyq aktilerine kredıt berý kezinde táýekelderdi barynsha azaıtý, qaryz alýshylardyń quqyqtaryn qorǵaý, qarjy naryǵyn retteýdi jáne atqarýshylyq is júrgizýdi jetildirý máseleleri boıynsha ózgerister men tolyqtyrýlar engizý týraly» Qazaqstan Respýblıkasynyń Zańyna qol qoıylǵan. Bul túzetýler 2024 jyldyń 25 tamyzynan bastap kúshine endi.
Vedomstvo ókiliniń málimetinshe, kórsetilgen Zań «Qazaqstan Respýblıkasy azamattarynyń tólem qabilettiligin qalpyna keltirý jáne bankrottyǵy týraly» Zańyna túzetýler engizýdi kózdeıdi.
