Foto: primeminister.kz
Jumys sapary barysynda Federaldyq bilim jáne ǵylymı zertteýler mınıstrliginiń parlamenttik stats-hatshysy Iens Brandenbýrgpen, Federaldyq aýyl sharýashylyǵy azyq-túlik mınıstrliginiń Parlamenttik stats-hatshysy Klaýdııa Mıýllermen, «German Water Partnership» uıymynyń basqarýshy dırektory Borıs Greıfenedermen, Federaldyq kansler vedomstvosynyń ulttyq jáne halyqaralyq ekonomıkalyq saıasat tobynyń jetekshisi Holger Fabıgpen jáne Geologııa ǵylymdary (GFZ) nemis zertteý ortalyǵynyń ǵylymı dırektory Sıýzanne Býıtermen kezdesý ótti.
Federaldyq bilim jáne ǵylymı zertteýler mınıstrliginiń parlamenttik stats-hatshysy Iens Brandenbýrgpen sý sharýashylyǵy salasynyń kásibı kadrlaryn birlesip daıarlaý keleshegin talqylandy. Nemis tarapy jaqyn arada Tarazdaǵy jańa Qazaq ulttyq sý sharýashylyǵy jáne ırrıgasııa ýnıversıtetimen yntymaqtastyq úshin joǵary oqý ornyn aıqyndaýǵa daıyn ekenin bildirdi.
Qanat Bozymbaev Federaldyq azyq-túlik aýyl sharýashylyǵy mınıstrliginiń Parlamenttik Memlekettik hatshysy Klaýdııa Mıýllermen qazaqstandyq agroónerkásiptik jáne organıkalyq ónimderdiń Germanııa naryǵyna shyǵý múmkindikterin talqylady.
Taraptar Ortalyq Azııadaǵy Ornyqty eginshiliktiń aımaqtyq ortalyǵynyń tujyrymdamasyn bekitýge kelisti. Ornyqty eginshiliktiń aımaqtyq ortalyǵyn qurý jónindegi jumys Qazaqstan Prezıdentiniń 2023 jylǵy 28-29 qyrkúıektegi Germanııaǵa resmı sapary barysynda aıtylǵan bastamasy boıynsha júrgizilip jatyr.
Sodan keıin vıse-premer «German Water Partnership» basqarýshy dırektory Borıs Greıfenedermen kelissóz júrgizdi.
Germanııanyń sý seriktestigi (German Water Partnership, GWP) — bul Germanııanyń sý salasyndaǵy 300-den astam kompanııany biriktiretin halyqaralyq sý salasynyń jelisi. GWP-men yntymaqtastyq sý resýrstaryn turaqty jáne tıimdi basqarý jolyndaǵy mańyzdy qadam jáne dáleldengen jańa tehnologııalardy paıdalanýǵa múmkindik beredi. Kezdesý qorytyndysy boıynsha Qazaqstan Respýblıkasy men Germanııa Federatıvtik Respýblıkasynyń Sý áriptestigi týraly Jahandyq kelisimniń jobasyn ázirleý týraly ýaǵdalastyqqa qol jetkizildi.
Sonymen qatar Qanat Bozymbaev «Sý – turaqty damý úshin» dóńgelek ústeliniń paneldik talqylaýyna qatysty.
«Sońǵy 80 jyldaǵy qarqyndylyǵy boıynsha buryn-sońdy bolmaǵan sońǵy sý tasqynynyń saldary bolashaqta osyndaı apattarmen kúresý jáne aldyn alý úshin ınnovasııalyq tásilderdiń qajettiligin kórsetti. Qazirgi ýaqytta BUUDB-nyń kómegimen biz «Talsim» sý tasqynyn boljaý jónindegi nemis sıfrlyq sheshimin synaqtan ótkizemiz. Biz sondaı-aq sý tasqyny máselelerin sheshýdiń nemis tájirıbesin jáne onyń saldaryn azaıtý baǵdarlamalaryn zertteýge daıynbyz», dedi Q.Bozymbaev.
Dóńgelek ústel barysynda ondaǵan nemis kompanııasy Qazaqstandaǵy óndiriske jáne yntymaqtastyqqa nıet bildirdi.
Budan ári Qanat Bozymbaev Federaldyq kansler vedomstvosynyń ulttyq jáne halyqaralyq ekonomıkalyq saıasat jónindegi tobynyń jetekshisi Holger Fabıgpen kezdesti. Taraptar ónerkásiptik-shıkizattyq yntymaqtastyq jáne mıneraldy resýrstardy birlesip ıgerý salasynda pikir almasty.
«Shıkizatty jergilikti jerde qaıta óńdeý dárejesin arttyrý, odan keıin joǵary qaıta bólý ónimderin tasymaldaý Qazaqstan úshin de, Germanııa úshin de birqatar artyqshylyqqa ıe. Bizdiń Prezıdentimiz aıtqandaı, biz óz tarapymyzdan birlesken shıkizat jobalaryn iske asyrý boıynsha nemis jáne qazaqstandyq kompanııalardyń konsorsıýmyn qurýdy ońtaıly dep sanaımyz», dep atap ótti vıse-premer.
Qanat Bozymbaev Nemis geoǵylymdar zertteý ortalyǵynyń (GFZ) ǵylymı dırektory Sıýzanne Býıtermen Qazaqstandaǵy jerasty sý resýrstaryn zertteý máselelerin talqylady. Búginde «Qazgıdromet» ulttyq gıdrometeorologııalyq qyzmeti men GFZ Berlın prosesi jáne «Jasyl Ortalyq Azııa» bastamasy aıasynda tıimdi yntymaqtastyq qurǵan.
Vıse-premerdiń Germanııaǵa jumys saparynyń qorytyndysy boıynsha mynadaı qujattarǵa qol qoıyldy:
– Qazaqstan Respýblıkasynyń Aýyl sharýashylyǵy mınıstrligi men Germanııanyń Qorshaǵan orta máseleleri jónindegi Táýelsiz ınstıtýty arasyndaǵy ózara túsinistik týraly memorandým;
– Qazaqstan Respýblıkasy Sý resýrstary jáne ırrıgasııa mınıstrligi men Nemis sý áriptestigi arasyndaǵy memorandým;
– Qazaqstan Respýblıkasy Sý resýrstary jáne ırrıgasııa mınıstrligi men «INNARI ınnovasııalyq tabıǵı sýarý» jaýapkershiligi shekteýli seriktestigi arasyndaǵy memorandým;
– Qazaqstan Respýblıkasy – «Qazaq sý sharýashylyǵy ǵylymı-zertteý ınstıtýty» JShS men Germanııanyń táýelsiz ekologııalyq problemalar ınstıtýty (UEP) arasyndaǵy memorandým;
– Qazaqstan Respýblıkasynyń Aýyl sharýashylyǵy mınıstrligi men Germanııanyń Ekologııalyq problemalardyń táýelsiz ınstıtýty arasyndaǵy ózara túsinistik týraly memorandým.
