Foto: 018.kz
Zań jobasynda kelesi jyly bıýdjetke 21,7 trln teńge (2026 jyly – 19,4 trln teńge; 2027 jyly – 20,9 trln teńge) kóleminde túsimder boljanǵan. Sonymen qatar Ulttyq qordan 2 trln teńge kóleminde kepildendirilgen transfert tartý josparlanǵan. Al 2025 jylǵa arnalǵan bıýdjet shyǵystary 25,8 trln teńgeni quraıdy.
Aıta ketý kerek, bıýdjet áli kúnge áleýmettik baǵytta qalyp otyr. El Úkimeti atalǵan salaǵa 9,8 trln teńge bóldi. Bul ótken jylmen salystyrǵanda 794 mlrd teńgege artyq.
Qarjy mınıstrliginiń dereginshe, shyǵystardyń negizgi bóligi ınflıasııa deńgeıindegi áleýmettik tólemderdi ındeksasııalaýǵa (bazalyq zeınetaqy men járdemaqy 6,5%-ǵa, ortaq zeınetaqy 8,5%-ǵa), granttar sanyn qosymsha 2,5 myń orynǵa ulǵaıtýǵa, JOO stýdentterine shákirtaqy mólsherin 15-20%-ǵa arttyrýǵa, tegin medısınalyq kómektiń kepildik berilgen kólemi jáne mindetti áleýmettik medısınalyq saqtandyrý sheńberinde halyqty medısınalyq kómekpen qamtýdy arttyrýǵa baǵyttalmaq.
