Foto: primeminister.kz
Sondyqtan mınıstr ónerkásip, metallýrgııa, kólik, IT, farmasevtıka, aýyl sharýashylyǵy ónimderin qaıta óńdeý jáne basqa da sektorlarda jańa jobalardy iske asyrý úshin qazirdiń ózinde elektr energııasynyń edáýir kólemi qajet ekenin baıandady.
«Bul jobalar jańa jumys oryndaryn qurýǵa, ekonomıkalyq ósýdi yntalandyrýǵa jáne azamattardyń ál-aýqatyn arttyrýǵa baǵyttalǵan. Alaıda olardyń damýy eldegi energııa qýatynyń jetispeýshiligimen shektelýde. Eger jańa turaqty energııa kózderin – jańartylatyn, retteýshi jáne bazalyq qýattardy salý boıynsha shuǵyl sharalar qabyldanbasa, jaǵdaı kúrdelene túsýi múmkin», dedi Almasadam Sátqalıev.
Energetıka mınıstrliginiń boljamy boıynsha 2035 jylǵa qaraı Qazaqstanda elektr energııasyn tutyný 152,4 mlrd kVt/saǵ deıin ósedi. Bul rette birqatar obektıvti sebep boıynsha qoldanystaǵy energııa kózderin óndirý 135 mlrd kVt/saǵ-qa deıin tómendeıdi. Taıaýdaǵy 10 jylda Qazaqstanǵa jıyntyq qýaty 26,5 GVt jańa óndirýshi qýattardy engizý qajet. Úkimet otyrysynda álem qazir kómirtegi beıtaraptyǵyna bet buryp jatqany aıtyldy.
«Elimizdegi gaz resýrstarynyń shekteýli bolýyna baılanysty gaz generasııasyn aýqymdy engizýdi júzege asyrý múmkin emes. О́z kezeginde, jańartylatyn energııa kózderi tabıǵı-klımattyq jaǵdaılarǵa táýeldiligine baılanysty elektr energııasyn óndirýdiń senimdi bazalyq kózi bola almaıdy. Álemdik tájirıbege súıensek, atom elektr stansasyn salý – shyǵatyn qýattardy aýystyrý jáne Qazaqstannyń energııaǵa táýeldiligin qamtamasyz etý úshin jalǵyz durys sheshim. Qazirgi kezeńde atom elektr stansııasyna balama joq», dedi Almasadam Sátqalıev.
