О́zdiginen súndettelip qalǵan sábı

Syrym aýdanynyń orta­lyǵy – Jympıty kentinde adam sen­besteı tańǵajaıyp oqı­ǵa oryn aldy. Osy jerdiń tur­ǵyny Bolat Temirǵalıevtiń eki jarym jastaǵy Aıat degen nemeresi ózdiginen súndettelip qalypty. Bul jáıtti kózimen kór­gen «Egemenniń» jan­ashyry ári turaqty avtory Shynar Moldanııazova bylaı dep habarlady. – Tań qylań bere Aıat aýyrsynyp jylap oıanady. Atasy: «Nege jyladyń, bir jeriń aýyryp tur ma?» – dep nemeresiniń denesine kóz salsa, nasybaıynyń ushy pyshaqpen tilip jibergendeı ekige aıyrylyp tur eken. Sol sátte Bolat aǵa Aıattyń ózinen ózi bir qudiretti kúshtiń áserimen súndettelip qalǵanyna kóz jet­kizedi. Ol sol kúni sál aýyrsynyp qyzýy kóterilgenimen, qazir shaýyp júr. Bolat aǵanyń aıtýynsha, kishkene kúninde ózin de, ómirden ozǵan uly Erboldy da osylaı «perishteler súndettep» ketken eken. «Mundaı oqıǵa biz úshin tańsyq emes. Áýletimizde úshinshi ret oryn alyp otyrǵan jaıt. Atalarymyzdyń rýhy shópshek, nemenemizdiń denesine pyshaq tımesin degen nıetpen osylaı etken shyǵar. Dárigerge kórsetetin eshteńesi joq», deıdi ol. Osy jaǵdaıdan keıin Bolat aǵa Syrym aýdandyq meshitiniń ókil ımamy Armat Kárimovti shaqyrtyp qudaıy berip, quran oqytty. «Bul – tek Allanyń qalaýymen bolǵan is. Mundaı oqıǵa arqyly Jaratqan Iemiz adamnyń óresi jetpeıtin tylsym kúshtiń baryn sezdirtip, adamdarǵa oı salǵysy kelgen shyǵar», dedi ókil ımam tań­ǵajaıyp oqıǵa jóninde. Temir Qusaıyn, «Egemen Qazaqstan».