Mundaı kórsetkish zańdy tulǵalar úshin bank ónimderiniń tartymdy bola túskenin aıǵaqtaıdy deıdi «Ranking» sarapshylary. Bazalyq mólsherlemeniń birtindep tómendep kele jatqany qarjy ınstıtýttaryndaǵy bıznes salymdarynyń kóbeıýine bóget bolmaǵan sııaqty. Demek bıznestiń bankke degen senimin nyǵaıtýda bazalyq mólsherleme ǵana ról oınamaıdy, odan bólek atap aıtarlyq birqatar faktor bar. Olar – tutastaı alǵanda bank sektorynyń senimdiligi men turaqtylyǵynyń ósýi, kásipkerlerdiń senimin arttyrý jáne bıznes úshin sıfrlyq qyzmetterdiń qýatty damýy.
Elimizdiń iri bankteri arasynda zańdy tulǵalardyń salymy kóleminiń aı saıynǵy ósýi boıynsha «Kaspi Bank» kóshbasshy boldy. Soma bir aıda 31,7%-ǵa nemese 112,9 mlrd teńgege ulǵaıdy. Mundaı ósý jalpy sektor boıynsha kórsetkishten birneshe ese kóp. Eń iri qarjy ınstıtýty halyq arasynda ǵana emes, sonymen qatar bıznes-qoǵamdastyq arasynda da tanymal ekeni tańǵalarlyq emes jáne bul qyzyǵýshylyq aıtarlyqtaı artyp keledi. Zańdy tulǵalardyń salymynyń ósýi boıynsha ekinshi orynda «Bank RBK» tur. Kásipkerlerdiń bul banktegi salymy 121,7 mlrd teńgege artty. Úzdik úshtikti 107,4 mlrd teńgege kóbeıý kórsetkishimen «Eýrazııalyq Bank» jabady», dep málimdeıdi sarapshylar.
Kóshbasshylar bestiginde «Bereke Bank» (+10,1%) pen «Jusan Vank» (+9,7%) bar. Iri ekinshi deńgeıli bankter arasynda bir aıda bıznes salymdarynyń kólemi kerisinshe qysqarǵandar da joq emes. Máselen, «Shınhan Bank Qazaqstandaǵy» bıznes salymdary bir aıda 1,1%-ǵa azaısa, «Sıtıbank Qazaqstanda» 6%-ǵa deıin quldyrap ketken.
Aıta keteıik, qazirgi ýaqytta bankterde zańdy tulǵalardyń qol jetkizgen salymdarynyń kólemi rekordtyq deńgeıdi kórsetip otyr. Jyldyq dınamıkada ósim 13,3%-dy qurady. Bir qyzyǵy, bıznes salymdary árqashan ósim kórsete bermeıdi. Mysaly, 2017 jyldan 2019 jylǵa deıin aıtarlyqtaı 1 trln teńgeden astam tómendeý baıqaldy. Alaıda keıinirek kólemniń dınamıkalyq ósýin baıqaýǵa bolady, onyń negizgi sebepterin biz joǵaryda atap óttik.
Keıingi bes jylda zańdy tulǵalardyń otandyq bankterdegi salymy jylyna orta eseppen 15%-ǵa ósip jatyr.
