DURYS TIIаNAQTALDY DEP BILEMIN

О́ner adamdarynyń kóbi men saıasatpen aınalyspaımyn dep jatady. О́zim de mýzykant, sazger bolǵanymmen, olardyń bul ustany­mymen kelise qoımaımyn. О́ıt­ke­ni, birinshiden, sen saıasatpen aı­na­lyspasań, saıasat senimen aına­ly­sady degen uǵym bar. Ekinshi­den, sen kim bol, qoǵamnan tys ómir súremin deý qatelik. Son­dyq­tan óz basym elimizde bolyp jatqan eleýli oqıǵalardan syrt qalǵan emespin. Soǵan oraı, sońǵy kezdegi de­pýtattar bastamasymen kóterilgen máselege baılanysty eldiń tara­pynan aıtylǵan pikirlerge qulaq túre júrgenim ras. Endi qalaı bolar eken dep kútkende Elba­sy­myz bul máselege basqa qyrynan kelip, kishilik tanytty. Sonda kóbimizdiń bastalǵan bastamanyń je­rine jetpegeni me dep kóńili­miz­diń qońyltaqsyp qalǵany da shyn­dyq. Sondyqtan respýblıka Par­la­menti Senaty men Májilisi tór­aǵa­lary jáne respýblıka Úki­metiniń basshysy bar jaýap­ker­shilikti óz moıyndaryna ala oty­ryp, halyq­tyń kóńilindegi oıdy dóp basqan­daryna rıza boldyq. Sóıtip, bir­sha­ma talqylanǵan bul másele aqyry durys tııanaqtaldy dep bilemin. Buǵan deıin de Elbasy qur­metine túrli mazmunda usynystar aıtylǵan bolatyn. Biraq Tuńǵysh Prezıdentimiz sonyń bárinde ki­shilik tanytyp, qarapaıymdylyq qaǵıdasynan aspaǵan-dy. Al bul jolǵy ortaq tilek elimizdiń quzyr­ly memlekettik bıligi tarapynan qoldaý taýyp otyrsa, ol eldi­gi­mizdiń, birligimizdiń kórinisi dep bilý kerek. El táýelsizdiginiń jıyrma jyldyǵy qarsańyndaǵy bul sheshim – durys sheshim. Aqyndy baǵalaıyq tirisinde demekshi, kimniń bolsyn baǵasyn kózi tirisinde aıta bileıik, aǵaıyn! Halqymyz da jaqsynyń jaqsy­ly­ǵyn aıt, nury tasysyn dep jatady ǵoı. Al osyndaı bereke, birlik bir týdyń astynda odan ári toptasa túsýimizge septesetinine kámil senimdimin. Qadyr DOSYMJANOV, Qazaqstannyń eńbek sińirgen qaıratkeri. SEMEI. HALYQ QALAÝY MEN BEDEL BIIGINIŃ ÚILESIMI Ústimizdegi 2010 jyldyń 3 maýsymyndaǵy Qazaqstan Respýb­lı­kasynyń Prezıdenti N.Nazar­baevtyń “Qazaqstan Respýblıkasy azamattaryna, Qazaqstan Respýb­lıkasynyń Parlamentine, “Nur Otan” halyqtyq-demokratııalyq partııasynyń Saıası bıýrosyna” arnaýynda aıtylǵan usynystar men oı-tujyrymdaryn oqyp, saralaı kelip, Elbasymyzdyń tek saıası kóregen basshy, úlken tulǵaly uıymdastyrýshy, ozyq qaıratker ǵana emes, parasat pen qarapaıym­dylyqtyń bıik úlgisi de ekendigine shúbásiz kóz jetkizgen edik. О́ıtkeni, barshamyz teledıdar men baspasóz materıaldarynan qanyq bolǵandaı, Elbasynyń aldyna elimizdiń Parlamenti qabyldaǵan Tuńǵysh Prezıdent, El Basy týraly zańnamaǵa qol qoıý jónindegi asa mańyzdy qujat joldanǵan bolatyn. Atalǵan zańmen Elbasynyń resmı mártebesin belgilegen Parlament pen osy bastamany qoldaý jónindegi ondaǵan myń otandastarymyzǵa – kóp etnosty Qazaqstan halqyna óziniń shynaıy alǵysyn jetkize otyryp, Pre­zı­dent zańnamaǵa qol qoıýdan bas tartý sebepterin egjeı-tegjeıli túsindirgen bolatyn. Alaıda, bul zańnamanyń el er­teńi, halyq bolashaǵy úshin qajet­tigin eskergen memleketimizdiń Elbasynan keıingi joǵary laýa­zym ıeleri – Q.Toqaev, O.Mu­ha­med­janov jáne K.Másimov ózde­riniń qoldaryn qoıyp, tııanaqtap, Konstıtýsııalyq zań men Zańnyń quqyqtyq ádeptiligin jáne onyń zańdylyǵyna jaýapkershiligin aı­ǵaqtady. Sóıtip, kóp tileýi qabyl boldy. Osylaı bolýy tıis te edi. О́ıtkeni, tarıh úshin qas-qaǵym sát bolyp esepteletin óte qysqa merzimde myzǵymas shekarasy bel­gilenip, ásem de kórkem Astanasy boı kóterip, ákimshilik júıeni tutas­taı ózgertip, álemdik táji­rı­bege súıene, naryqtyq ekonomı­kanyń qazaqstandyq tamasha úl­gisin qalyptastyra, turaqty­lyqty saqtaı, ultaralyq tatýlyq jáne dinaralyq kelisimdi ny­ǵaıta otyryp, saıası-eko­no­mıkalyq reformalardy múltiksiz júrgizý kez kelgen eldiń enshisine tıe ber­meıtin jetistik. Osyndaı jasam­paz jańǵyrýlar nátı­jesinde elimiz álemdik qoǵam­dastyq arasynda óziniń laıyqty ári bedeldi ornyn alyp úlgerdi. Álbette, munyń bári sarabdal kóshbasshymyz Nursul­tan Nazar­baevtyń eren eńbeginiń nátı­jesinde júzege asty. Osy oraıda elimiz izgilikke, beıbitshilikke tabandylyqpen, biriz­dilikpen qulshyna qadam basyp, jappaı qarýsyzdanýǵa úndegen bastamalary barlyq elder, Birikken Ulttar Uıymy tarapynan qyzý qoldaý taýyp, bul úderister álem jurtshylyǵy arasynda jańa serpilis týyndatty. El úshin óte kúrdeli kezeńderdiń ózinde jańa, tyń úlgidegi memleket qu­ryp, ekonomıkany jańa rels­terge burý arqyly óziniń sara basshylyǵymen eldi tuıyqtan shyǵara bilgen Elbasy álemdik qarjy daǵdarysy kezinde de tyń ıdeıalar men josparlar jasap, el kóshin kóregendilikpen bastap keledi. Qazir elimiz Eýropadaǵy qaýip­sizdik jáne yntymaqtastyq uıy­my­na tóraǵalyq etýde, sondaı-aq bir­qatar óńirlik uıymdarǵa bas­shy­l­yq jasaýda. Bul isterde de El­basy N.Nazarbaevtyń bedeli men álemdik deńgeıde atqarǵan qyz­meti úlken ról oınaǵany kúmánsiz. S. OMAROV, Saryaǵash aýdandyq ardagerler keńesiniń tóraǵasy. Ońtústik Qazaqstan oblysy. TEŃDESSIZ ShEShIM Igi jaqsylaryn qurmettemegen eldiń egemen bolýy ekitalaı. Saıasatyn elimizdiń múddesin turaqty qorǵaý turǵysynan júrgizip, tolaıym tabystarǵa jetkizip kele jatqan Elbasyn ardaqtaý táýelsizdigimizdi tuǵyrly etýdiń birden-bir joly dep sanaımyn. Elimizdegi joǵary laýazym ıeleri qol qoıǵan zańnamalardy úlken tolqynyspen oqyp shyqtym. Oryndy tııanaqtalǵan zańdar ekenine kózim jetti. Sebebi, buǵan tolyq negiz bar ári Elbasynyń eńbegi orasan ekeni belgili. Máselen, ulty­myzdyń arǵy-bergi ta­rı­hynda bizde búgingideı shekarasy she­gen­delgen memleket bolǵan emes. Qys­qa ýaqyt­tyń ishinde Memleket basshysy N.Á.Nazar­baevtyń kóregendigi men dana bas­shy­lyǵy arqasynda Qazaqstan álemdik qoǵamdastyq sanasatyn zaıyrly memleketke aınalyp úlgerdi. Úlken forýmdar men sammıtterde Elbasy al­paý­yt elderdiń basshylarymen ózin árdaıym tere­zesin teń ustaıtyny biz úshin maqtanysh. Elbasyn mundaı dárejege jetkizgen qunaryn tereńnen alǵan jeke basynyń tulǵalyq alyptyǵy, óresi bıik parasaty, dara kemeńgerligi. Saıası júıesi ártúrli memleketterdiń bas­shy­lary arasynda Nursultan Ábishulyn ózine úlgi-ónege tutatyndar kóptep sanalady. Qaı halyq bolsa da osyndaı mártebeli per­­zentke zárý desek, qatelespeımiz. Qarapaıym Qazaqstan azamaty retinde óz basym Elbasyn adamzat tarıhyna áser etken ult kóshbas­shy­larynyń juldyzdy shoǵy­ryna  jatqyzamyn. Nursultan Ábishulynyń Parlament qabyl­­da­ǵan Tuńǵysh Prezıdent, El Basy týraly zań­namaǵa ózgerister men tolyqty­rý­lar engizý jónindegi zańnamaǵa qol qoıýdan bas tartýy, árıne, parasatty sheshim bolǵan edi. Ekinshi jaǵynan, elimizdiń erteńi, bolashaǵy úshin dál osy zańnamanyń qabyldanǵanyn, joǵaryda da aıtqanymdaı, óte oryndy, durys sheshim sanaımyn. Qalı OMAROV, geografııa ǵylymdarynyń kandıdaty, dosent, Qorqyt Ata atyndaǵy QMÝ ǵylymı zertteýlerdi úılestirý bóliminiń bastyǵy.