Foto: Inbusiness
Prezıdent sý tasqyny bolǵan syndarly shaqta yntymaǵy jarasqan el ekenimizdi kórsete bilgen Qazaqstannyń ár aımaǵynan jınalǵan eriktiler men janashyr azamattardyń eńbegin erekshe tilge tıek etti.
«Qazaqstannyń ár aımaǵynan jınalǵan eriktiler men janashyr azamattar zardap shekken jurtqa kómek qolyn sozdy. Meniń eldik isten shet qalmaý týraly úndeýime iri bıznes ókilderi de qoldaý bildirdi. Memlekettiń batyl áreketi men halyqtyń ózara tilektes bolýynyń arqasynda asa qıyn jaǵdaıdan aman-esen óttik. Degenmen ortalyq jáne jergilikti bılik ókilderi osy oqıǵadan sabaq alýy kerek», dedi Qasym-Jomart Toqaev.
Sondaı-aq, memleket basshysy ırrıgasııa júıeleri jáne jalpy sý sharýashylyǵy máselesimen muqııat aınalysý qajet ekenin eskertti.
«Qazirgi zamanda biz kez kelgen qaterge daıyn bolýymyz qajet. Sondyqtan qarǵyn sýdy jınap, dıqandardyń qajetine jaratý úshin ony durys saqtaı bilgen jón. Gıdrologııa beketterin jóndep, jańǵyrtý qajet. Sýdy barynsha únemdeý jumysyn uıymdastyrý kerek. Bul – eń aldymen, aýyl sharýashylyǵyna qatysty másele, ıaǵnı sý únemdeý tehnologııasyn, ásirese, aýyl sharýashylyǵynda keńinen qoldaný qajet.
Sý qoryn jınap, ony tıimdi paıdalanyp, ırrıgasııa júıesin durys qoldana alsaq, bul salaǵa da ınvestısııa tartýǵa bolady. Sondyqtan tarıf saıasatyn rettep, ınvestorlarǵa tıimdi qoldaý sharalaryn usyný qajet. Bul – Úkimettiń aldynda turǵan mańyzdy mindet. Naqty jumysqa kirisý kerek», dedi Prezıdent.
