Jahandyq jastar sammıti

Sammıtti Tatarstan Res­pýb­­lıkasynyń Úki­me­ti, Tatarstan Res­pýb­lıkasynyń Jastar is­teri bo­ıynsha mınıstrligi jáne «Islam yntymaqtastyǵy uıy­mynyń jastar forýmy» ha­lyqaralyq uıymy uıymdastyrdy. Jalpy, ja­­handyq jıynda álemniń 43 eliniń 100-den asa jastar saıasatyna jaýapty mınıstrlikter men vedomstvolardyń basshysy jáne iri halyqaralyq uıymdardyń ókili boı kórsetti.

Forým aıasynda Tatarstan Res­pýblıkasynyń raıysy Rýstam Mınnıhanovtyń qatysýy­men plenarlyq otyrys uıym­das­tyryldy. Onda qazirgi qoǵam­daǵy otbasy ınstıtýtyna qa­tys­ty máseleler qozǵaldy. Buǵan qosa jasandy ıntellekt jáne vırtýaldy shyndyq, jastar arasyndaǵy sıfrlyq trendter boıynsha da sessııalar ótti. Jıyn qatysýshylary jahandaný dáýirinde dástúrli qundylyqtardy saqtaý máselesin sóz etti. О́z kezeginde, Qazaqstan Mádenıet jáne aqparat mınıstr­ligi Jastar jáne otbasy isteri komıteti tóraǵasynyń orynbasary Birjan Álimjanov Qazaqs­tanda bul ba­ǵyt­ta atqary­lyp jatqan jumys­tarǵa toqtaldy.

«Bul sammıt Islam yntymaq­tastyǵy uıymyna múshe elder jastarynyń dıalogi, tájirıbe almasýy úshin mańyzdy alań. Biz sıfrlyq tehnologııalar ómirimizdiń barlyq salasyna engen dáýirde ómir súrip jatyrmyz. Internet pen áleýmettik medıa jastar úshin sheksiz múm­kindikter ashty deýge bolady. Máselen, kez kelgen bilim bu­ryn­ǵy­dan da qoljetimdi bola tústi. Álemniń ár qıyryndaǵy azamattarmen qarym-qatynas kúndelikti qarapaıym dúnıege aınaldy. Bul ıgilik jastardyń óz jobalaryn qurýyna, jahan­dyq deńgeıdegi jıyn ne baı­qaý­larǵa qatysýǵa, álemniń ár túkpirindegi azamat dúnıe júzine ortaq máselelerdi sheshýge úles qosýyna jol ashty», deı kele ol kez kelgen qoǵamdy qalyptastyrýda negiz bolatyn dástúrli qundylyqtardyń mańy­zyn ashyp aıtty.

– Qazaqstanda dala demo­kra­tııa­­synyń dástúrlerin saqtaý úshin 2022 jyldan bastap el Prezıdenti janyndaǵy Ulttyq quryltaıdyń jyl saıynǵy otyrysy ótkizilip keledi. Quryltaı qoǵamdaǵy ártúrli toptardyń, sonyń ishinde jastardyń kúsh-jigerin biriktirý qajet bolǵan jedel ózgerister men jahandyq syn-qaterler dáýirinde erekshe mańyzǵa ıe bolyp otyr. Bıyl ótken basqosýda Memleket basshysy Qasym-Jomart Toqaev el jastaryna, barsha otan­das­ta­ry­myzǵa patrıotızm, ádildik, kásipqoılyq, únemshildik, eń­bek­­qorlyq, Otan men otbasy aldyn­daǵy jaýapkershilik sııaqty eń asyl qasıetterdi tárbıeleýge baǵyttalǵan «Adal azamat» tujyrymdamasyn us­taný qajet ekenin basa aıtty. Saıyp kelgende, tehnologııa – jansyz dúnıe. Sondyqtan qundylyqtardy boıyna sińirgen adam ǵana jańashyldyqtardy izgi nıetpen paıdalana alady. Demek sıfrlyq dáýir bizdiń dástúrli qundylyqtarymyzdy almas­tyr­maı, odan ári tolyq­tyrýdy kóz­deıdi. Qa­zaqstan halyqaralyq ynty­maqtastyqty belsendi qoldaıdy jáne bir­lesken kúsh-jigermen ǵana ornyqty damýǵa, órkendeý men beıbitshilikke qol jetkizýge bolady dep esep­teıdi. Qazirgi ýaqytta elimizde 5,7 mıllıon jas bar. Olardy jan-jaqty qoldaý Qazaqstan Res­pýblıkasynyń memlekettik jastar saıasatynyń negizgi baǵyt­tarynyń biri. Biz mundaı basqosý­lar­dan jastar dıplomatııasyn damytý, bilim almasý, ǵylym, bilim, kásipkerlik, mádenıet salalaryndaǵy bir­lesken jobalardy júzege asyrý úshin úlken áleýetti kórip otyrmyz, – deıdi Birjan Álimjanov.

Sondaı-aq forýmda Tatar­stan Respýblıkasyndaǵy «Halyq­aralyq jastar yntymaq­tastyǵy» federaldyq jobalyq keńsesiniń jumysy tanystyryldy. Sammıt qorytyndysy boıynsha ıslam álemin qoldaýǵa jáne IYU elderiniń jastaryn damytýǵa baǵyttalǵan qarar qabyldanyp, birlesken is-qımyl josparyna qol qoıyldy. Kelesi jyly Tatarstanda Islam jastary oıyn­daryn ótkizý josparlanyp otyr.