Qoshmambettegi qýanysh

Memleket basshysy Qasym-Jomart Toqaev Qazaqstan hal­qyna Joldaýynda bilim júıesin odan ári damytý jáne muǵalimderdi qoldaý máselesine erekshe kóńil bólý qajettigin ataǵan. Osy maqsatta Almaty oblysynda «Jaıly mek­tep» ulttyq jobasy aıasyn­da 53 mekteptiń qurylysy júr­gizilip otyr. Sonyń alǵash­qy­sy bolyp Qarasaı aýdany Qosh­mambet aýylynda eńseli zamanaýı tehno­logııamen ja­saqtalǵan 1200 oryndyq bi­lim ordasy qoldanysqa berildi. Ná­tıjesinde, aýyldaǵy úsh aýy­symdyq mektep máselesi túbe­geıli sheshildi. Oqýshylar ozyq úlgidegi keń de sáýletti etip sa­lynǵan sý jańa mektepte mem­lekettik tilde bilim alady. Ha­lyq sany tyǵyz qonystan­ǵan aýdandardaǵy mektepterdiń ashy­lýyna Ǵylym jáne joǵary bilim mınıstri Saıasat Nurbek pen Almaty oblysynyń ákimi Marat Sultanǵazıev qatysty.

Jańa oqý jylynda óńirdiń 468 mektebinde 365 404 oqýshy bilim alýdy bastap ketti. Bul ótken jylmen salystyrǵanda 14 173 oqýshyǵa kóp. Sonymen qatar birinshi synypqa 35 631 bala bardy.

«Bala sany ósip otyrǵan óńirimizde «Jaıly mektep» ulttyq jobasy aıasynda bıyl 26 orta mektep salý qaras­ty­rylǵan. Atap aıtsaq, Bilim kú­nine Qarasaı aýdanynyń Qosh­mambet, Doǵan, Eltaı aýyldarynda «Jaıly mektep» jobasymen 1200 oryndyq 3 mektep daıyn. «О́mirzaq» turǵyn úı kesheninde 900 oryndyq mektep, al Alataý qalasynyń Arna aýy­lynda mekteptiń 200 oryndyq japsarjaıy ashyldy. Aımaqta úsh aýysymdyq mektep másele­sin sheshýde jeke ınvestorlar aza­mattyq tanytyp, balalarǵa jańa bilim ordasyn syıǵa tartty. Munda oqýshylardyń sapaly bilim alýyna barlyq jaǵdaı jasalǵan. Zaman talabyna saı jabdyqtalǵan, erekshe bilim alýshylarǵa arnalǵan ınklıýzıvti ortalyq, sheberhana, kitaphana, robottehnıka, stend jáne modıfıkasııalyq kabı­netter, sport zal, ashana, máji­lis zaldary balalar ıgiligine ­qyz­­­met etedi. Mektep muǵalim­de­ri­niń osyndaı záýlim ǵıma­rat­ta óskeleń urpaqqa sapa­ly bilim, sanaly tárbıe bereti­nine búkil el-jurt úmit artyp otyr», dedi saltanatty is-shara­da sóz alǵan oblys ákimi Marat Eleýsizuly.

О́tken oqý jyly oblysqa tabysty aıaqtaldy. Daryndy balalar mol jetistikke qol jet­kizdi. Eki jyl buryn 50-ge jýyq bala halyqaralyq olım­pıa­da­lardyń jeńimpazy bolsa, byl­tyr bul kórsetkish 3 esege ul­ǵaıǵanyn ataý oryndy. Talantty balalar aýyldan shyǵary anyq. Sondyqtan daryndy oqýshylar qatary osyndaı jańa mektepte bilim alǵan balalarmen tolyǵa túserine senim zor.

«Bala – jarqyn bolashaǵy­myz­dyń kepili. Ár ata-ana bala­synyń jaqsy bilim alyp, ómir­den óz ornyn tabýyna múddeli. Sondyqtan jańa mektep bala­larǵa jańa múmkindikter ashary sózsiz. Biz jas urpaqqa sapaly bilim berýde zamanaýı, jaıly mektepter salýdy jal­ǵastyramyz. Búgin ashylǵan tórt jańa mektep – osy maqsatqa jetýge baǵyttalǵan keń aýqym­dy josparymyzdyń bir bóligi ǵana», degen óńir basshysy zamanaýı mekteptiń ýaqytynda sa­lynýy­na úles qosqan merdiger kompanııa ókilderin Alǵyshatpen marapattady.

«Elimizde demografııalyq ahýal aıtarlyqtaı jaqsa­ryp keledi. Keıingi úsh jylda 1,5 mıllıonnan astam bala dú­nıe­ge kelgen. Bul – rekord­tyq kór­setkish. Sondyqtan balalarymyzdyń kemel kele­she­gi úshin Prezıdenttiń tikeleı baqylaýymen osyndaı jańa standartty, jańa model­di «Jaı­ly mektep» salynyp otyr. Bıyl elimiz boıynsha 226 mektep ashylady, kelesi jyly dál osyndaı 175 mektep iske qosyldy», degen Ǵylym jáne joǵa­ry bilim mı­nıstri Saıasat Nurbek ustaz, oqýshy, ata-ana bir-biri­men baılanysta bolý keregin atap aıtty. Sondaı-aq mınıstr balanyń bilimdi, tártipti bolýy ortaq istiń jemisi ekenin eske saldy.

«О́zim osy aýylda týyp-ós­tim. Ákem uzaq jyl mektepte ustazdyq etken edi. Men de áke jolyn jal­ǵastyryp, 30 jyl boıy basta­ýysh synyp oqý­shylaryn oqy­typ kelemin. Eski mektebimizde ­bala sany óte kóp boldy. Synyp­qa syımaı, úsh aýysymda oqyt­tyq. Endi jartysyna jýyǵy jańa mektepke aýysty. Sóı­tip, eki ­aýysymda oqıtyn bola­myz. Bú­gin áriptesterimdi quttyq­taı kel­dim. Sán-saltanaty jaras­qan ­jańa ǵımarattyń oqýshy­lary jaq­sy oqyp, ustazdary sha­byt­tana jumys isteýine tilektes­pin!», deıdi aýyl muǵalimi Aqma­­ral Jazyqbaeva.

Memlekettik tilde bilim be­re­tin sý jańa mektepte oqý­­shy­lar 1 aýysymmen oqı­dy. ­Onda 12 oqý kabıneti, 3 she­­berha­na, ­3 kom­pıýter synyby, hımııa, ­fızıka, bıo­lo­gııa, basqa da pánderge laıyq­ta­lyp jab­dyqtalǵan arnaıy ka­bınet­ter men akt zal, sport zal bar. 125 oryndyq ashana ja­saqtalyp, kitaphana iske qo­syl­ǵan. Medısınalyq kabı­net­ter ornalastyrylǵan. Onda ­logoped, psıholog, oıyn oınaý ka­bınetteri qarastyrylǵan.

Jańa oqý jylynda «Beeline Kazakhstan», «Vernyı Kapıtal» jáne Bolat О́temuratov qory­nyń qoldaýymen Shelek aýyly men Esik qalasynda árqaısysy 900 oryndyq jańa mektepter paıdalanýǵa berildi.

Almaty oblysynda osy kúni 39 orta mektep úsh aýysym­da bilim beredi. Eske salar bolsaq, 2025 jylǵa deıin «Jaıly mektep» jobasy sheńberinde 54 600 oryndyq 53 mektep salý jos­parlanǵan. Bul óńirde úsh aýysymdy oqýdy tolyqtaı joıýǵa jáne árbir balaǵa sapaly bilim berýdi qamtamasyz etýge múm­kindik bermek.

Almaty oblysy