Qanyshtan qalǵan qundy zattar

Qanysh atamyzdyń jıen ne­meresi, Hanısa Sát­baevanyń perzenti Álıma Jarmaǵambetova osy saparynda mýzeıge arnaıy kelip, Qanysh Sátbaevtyń ózi kıgen jasyl tústi púlish shapanyn syıǵa tartty. Bul shapandy kezinde Qanysh atamyz qyzy Hanısaǵa «keshkilik to­ńyp qalma, jamylyp júr» dep bergen eken. Álıma apamyzdyń aıtýynsha, shapandy anasy Hanısa apamyz ózine shaq etip, jeńi men etegin qysqartyp kıgen.

Sonymen qatar atalǵan toıda qurmetti qonaq bolǵan aqyn Ǵalym Jaılybaı aǵa­myz mýzeı qoryna Qanysh Imantaıulynyń qoly tıgen sur tústi kvars tasty tabys­tady. Bul jádigerdiń tarıhyna kelsek, kezinde Qanysh Imantaıuly ekspedısııadan eki tas ákelgen. Biri zerthanaǵa tapsyrylsa, ekinshisin akademık Aıtjan Abdýllınge syılaǵan. A.Abdýllın 1998 jyly Kákimbek Salyqov bas­­qarǵan Sátbaev qoryna tapsyr­ǵan eken. Osy kezeń­derde Ǵalym Jaı­lybaı aǵa­myz qorda qyzmet etken.

Akademık Q.I.Sátbaevtyń Baıanaýyl memorıaldyq mý­zeıi árdaıym Qanysh aǵa­myz­dyń qoly tıgen osyndaı qun­dy jádigerlermen tolyǵyp keledi.

Sansyzbaı SAPARǴALIEV,

akademık Q.I.Sátbaevtyń Baıanaýyl memorıaldyq mýzeıiniń qyzmetkeri

Pavlodar oblysy