Foto: qaz.ulysmedia.kz
Memleket basshysy 2 qyrkúıek kúni halyqqa arnaǵan Joldaýynda Salyq kodeksin sapaly daıyndap, Parlament pen Úkimette jańa normalardy ashyq talqylaý úshin Salyq kodeksin qabyldaýdy 2025 jylǵa shegerýdi tapsyrǵan edi.
Osy tapsyrmany oryndaý maqsatynda Májilistiń Qarjy jáne bıýdjet komıteti jańa Salyq kodeksiniń jobasy men oǵan ilespe túzetýlerdi basshylyqqa aldy. Depýtattar Prezıdent Joldaýynda aıtylǵan salyqtyq ákimshilendirýdi jáne salyq rejımderin ońtaılandyrý, salyq jeńildikterin qaıta qaraý jáne basqa da bastamalardy júzege asyrýy tıis.
Sondaı-aq Májiliske 2025-2027 jyldarǵa arnalǵan respýblıkalyq bıýdjet týraly zań jobasy engizildi.