Foto: OKQ
Atalǵan sheshim – qazaqy tazy tuqymyn halyqaralyq deńgeıde tolyq taný, ıaǵnı moıyndaý aldyndaǵy negizgi ári sońǵy kezeń.
«Búgin sizderdiń elderińiz úshin de, biz úshin de tarıhı kún. FCI Standarttaý jónindegi komıssııasy men FCI Ǵylymı komıssııasy uzaq rásimderden keıin Bas komıtetke osy tuqymdy tirkeýdi usyndy. Quttyqtaımyn! Aldaǵy ýaqytta sizderdi 10 jylǵa sozylatyn jumys kútip tur. Osy ýaqyt ishinde ıtterdiń densaýlyǵyna kóptegen synamalar jasalyp, jańadan týǵan tazy kúshikteriniń statıstıkasy júrgiziledi. Bul derekter FCI Ǵylymı komıssııasy úshin qajet. Itterdiń densaýlyǵy men jaı-kúıi qazirgi tańda óte mańyzdy máselelerdiń biri. FCI Qazaqstandaǵy tazy tuqymynyń júıeli damýyn baqylap otyrady», dedi FCI prezıdenti Tamash Iаkkel.
Esterińizge salaıyq, qazaqy ıt tuqymdaryn saqtaý, sondaı-aq olardy halyqaralyq deńgeıde tanytý máselesi Memleket basshysynyń tapsyrmasy boıynsha 2022 jyldan bastap Prezıdent Is basqarmasynyń qaraýyna alynǵan bolatyn. О́kiletti organ retinde Ekologııa jáne tabıǵı resýrstar mınıstrligi belgilengen.
Sońǵy 2 jyl ishinde tıisti zańdarǵa ózgerister engizilip, tazy standarty bekitildi, ǵylymı zertteýler jasalyp, asyl tuqymdy ıtterdiń baıqaýlary jáne kórmeler ótkizildi.
2023 jyldyń tamyzynda Qazaqstan kınologtary odaǵy Halyqaralyq kınologııalyq federasııanyń barlyq talaptaryn oryndap, onyń tolyqqandy músheligine qabyldanyp, ulttyq ıt tuqymdaryn jarııalaý quqyǵyna ıe boldy.
«Qazaqy tazynyń biregeıligin aıqyndaıtyn bultartpas aıǵaqtar usyndyq. Tarıhı zertteýlerde 4 myń jyldan astam tarıhy bar ıt tuqymynyń shyǵý tegi men damýy tolyq qamtylyp, «qazaqy tazy» tuqymynyń ataýy túpkilikti bekitildi. Arnaıy monotuqymdy ıtter kórmesin uıymdastyryp, FCI-dyń Standarttaý jáne ǵylym komıssııasynyń músheleri tazy tuqymyna jatatyn 100 ıtti zertteýine múmkindik týǵyzdyq. Osy eńbektiń nátıjeleri negizinde búgin FCI Bas komıtetiniń biraýyzdan qabyldaǵan sheshimimen qazaq tazysy resmı túrde álemdik deńgeıde tanyldy. Tazy – bizdiń mádenıetimiz ben tarıhymyzdyń ajyramas bóligi, sondyqtan biz ulttyq ıt tuqymyn saqtaý ári nasıhattaý úshin bar kúshimizdi salýymyz kerek. Bul kún shejirede tarıhı kún retinde qalatynyna senimdimiz», dedi Qazaqstan kınologtary odaǵynyń prezıdenti Baýyrjan Serikqalı.
