О́ńirlik kommýnıkasııalar qyzmetinde ótken baspasóz konferensııasynda Abaı oblysynyń eńbek mobıldiligi ortalyǵynyń dırektory Erkebulan Tursyn jańa bıznes-ıdeıalardy iske asyrýǵa 400 AEK kóleminde memlekettik qaıtarymsyz grantty 204 adamǵa berý, sondaı-aq 10 myń turǵynǵa shaqqanda 100 jumys orny kórsetkishi boıynsha 9 313 jumys ornyn jáne ınfraqurylymdyq jobalar aıasynda 1 695 jumys ornyn qurý, jumys berýshilerdiń jeke ótinishterine sáıkes 276 adamdy kásiptik oqytýǵa joldaý josparlanyp otyrǵanyn málimdedi.
1 qyrkúıektegi derekke súıener bolsaq, oblys boıynsha 5 307 adam turaqty jumys ornyn tapsa, 6 115 adam sýbsıdııalanatyn jumys oryndaryna jumysqa turǵan eken. Bul rette 3 938 adam qoǵamdyq jumysqa tartylsa, 308 adam áleýmettik jumys ornyna qyzmetke turǵan. «Jastar praktıkasy», «Alǵashqy jumys orny», «Urpaqtar kelisimsharty», «Kúmis jas» jobalary aıasynda 1 860 adam jumys oryndaryna joldanǵan. Sondaı-aq halyqtyń áleýmettik osal tobyn qoldaýǵa arnalǵan jańa bıznes-ıdeıalardy iske asyrý úshin 203 qaıtarymsyz grant bólingen.
«14 tamyz ben 13 qyrkúıek aralyǵynda Kásipkerlik bastamaǵa járdemdesý jónindegi sharalardy uıymdastyrý jáne qarjylandyrý qaǵıdalarynyń 24 tarmaǵyna sáıkes 2023 jylǵy usynylǵan 400 AEK kólemindegi qaıtarymsyz granttardy maqsatty paıdalanýdyń monıtorıngi ótkiziledi. Monıtorıng jumyspen qamtý jáne áleýmettik baǵdarlamalardy úılestirý basqarmasy, eńbek mobıldiligi ortalyǵy jáne qoǵamdyq birlestikter ókilderimen júrgiziledi. Búginge deıin Semeı, Kýrchatov qalalary, Abaı, Besqaraǵaı, Borodýlıha aýdandarynda grant qarajatyn maqsatty paıdalaný boıynsha monıtorıng júrigizildi. Onyń barysynda 91 kásipkerge monıtorıng jasaldy. 57 kásipkerdiń kásibin júrgizip jatqany anyqtalsa, al qalǵan kásipkerlerdiń isi ártúrli sebepterge baılanysty toqtap turǵany anyqtaldy. Qazir Abaı oblysynyń qala men aýdandarynda monıtorıng jumystary jalǵasyp jatyr», dedi Eńbek mobıldiligi ortalyǵynyń dırektory Erkebulan Serikqalıuly.
Sýretti túsirgen – Erlan OMAR, «EQ»
Jumyspen qamtý baǵdarlamalary aıasynda jańadan mamandardy oqytý basty nazarda ekeni anyq. Kásiptik oqytý jumyssyzdyqpen kúreske kóp úles qosady. Aımaqta jyl basynan beri 200 adam kásiptik oqytýǵa joldanǵan. Onyń ishinde oqýdy aıaqtaǵan 104 maman ómirden óz ornyn tapqan kórinedi. Bilim alyp, qaıta daıarlaýdan ótken jandardyń ishinde bıznes-ıdeıalardy iske asyrýǵa arnalǵan qaıtarymsyz grant alyp, óziniń jeke kásibin dóńgeletip ketken kásipkerler de bar. Qyrkúıekte atqarylǵan jumys nátıjesinde 112 bos jumys oryn jármeńkesi ótken. 400-ge tarta jumys berýshi qatysqan bos oryndar jármeńkesinde 700-den asa adam jumyspen qamtylǵan.
Abaı oblysynyń eńbek mobıldiligi ortalyǵynyń uıymdastyrýymen «Tanda.enbek.kz» portalynda bos jumys oryndarynyń onlaın-jármeńkesi ótkizilip keledi. Onlaın-jármeńkege Semeı qalasy boıynsha 35 jumys berýshi tirkelip, 8 adam turaqty jumysqa ornalasty. Aldaǵy ýaqytta da halyqtyń ál-aýqat qoryn jaqsartý, halyqty jumyspen qamtý jumystary da qarqyndy júzege asyrylady.
Abaı oblysy
