Jalǵan qujat jarǵa jyqty

Bilim salasynda synaq, neshe túrli saıys, test kompıýter arqyly ótedi, mektepterge muǵalimder konkýrs arqyly kiredi. Degenmen, muǵalimder bul kedergilerdi de aınalyp ótetin joldy taýyp alǵan degenge senesiz be? Barlyq mu­ǵa­limdi kinálaı almaımyz, áıtse de aýyrdyń ústimen, jeńildiń astymen júretin qýlar bul salada da azaımaı tur.

Jańa oqý jyly qarsańynda Mańǵystaý oblysynda 60 muǵalim jalǵan dıplommen jumys istegen­digi anyqtaldy. Olar bir emes, bir­neshe jyl boıy oqýshylarǵa sa­baq berip kelgen. Qazirgi tańda jal­ǵan qujat jasatyp, aılyq alyp kelgen 60 muǵalimniń barlyǵy jumys­tan qýyldy. Jalǵan qujatty «muǵa­limdermen» endi tergeý oryndary aınalysyp jatyr, olarǵa aı­lyqqa tólengen qarajat memleket bıýdjetine qaıtarylatyn bolady.

– Oblystaǵy muǵalimderdiń dıplomyn anyqtaý úshin joǵary oqý oryndary men tehnıkalyq jáne kásiptik bilim berý uıym­daryna suranys jiberildi. Bul rette olardyń jumys istegen ýaqy­tyndaǵy qarjyny memlekettik bıýdjetke qaıtarý týraly sot organdaryna shaǵym joldandy. Bul baǵyttaǵy jumystar jalǵasyp jatyr, – dep habarlady Mańǵystaý oblysynyń bilim basqarmasy.

Muǵalim men mektep  – bilim men tárbıeniń qaınary. Aqsha tabý úshin qylmys jasaı alǵan muǵa­lim oqýshyǵa qandaı bilim, qan­daı tárbıe bere alady? Bul muǵalim­der­den oqyp ketken oqýshylardyń ala almaǵan biliminiń orny tolar ma?

Boıynda óz isine mahabbat, el, urpaq bolashaǵyna degen jaýap­kershilik bolmasa, aqsha úshin júr­gender muǵalim degen attan sadaǵa. Muǵalimdikke tek jalaqy úshin nemese bólingen grant úshin qy­zyǵatyndarǵa urpaq tizginin ustatý qıyn.

Mańǵystaý oblysy