Pýtın Nursultan Nazarbaevty saılaýdaǵy jeńisimen quttyqtady

ASTANA. 27 sáýir. Reseı prezıdenti Vladımır Pýtın Nursultan Nazarbaevty Qazaqstan Prezıdenti saılaýyndaǵy jeńisimen quttyqtap, jedelhat joldady. Bul týraly Kremldiń baspasóz qyzmetine silteme jasap, «QazAqparat» habarlady. Vladımır Pýtın óz quttyqtaýynda daýys berý qorytyndysy Qazaqstan azamattary arasyndaǵy Nursultan Nazarbaevtyń joǵary bedelin, Memleket basshysynyń eldi áleýmettik-ekonomıkalyq jedeldete damytýǵa, eýrazııalyq yqpaldastyq úderisterge belsene qatysýǵa jáne Reseımen strategııalyq áriptestik pen odaqtastyq qatynastardy nyǵaıtýǵa baǵyttalǵan keń aýqymdy baǵytyn qoldap otyrǵanyn qýattaıtynyn aıtqan. Reseı prezıdenti ekijaqty baılanystardyń barlyq keshenin odan ári óristetýge, birlesken jumysty jáne dıalogty jalǵastyrýǵa, sondaı-aq, eki el halyqtarynyń múddesi úshin Eýrazııalyq ekonomıkalyq odaq jáne basqa da halyqaralyq qurylymdar aýqymynda qurlyqtaǵy beıbitshilikti, turaqtylyq pen qaýipsizdikti qamtamasyz etýde syndarly ózara is-qımylǵa daıyn ekenin nazarǵa alǵan. Elaman Qońyr. Derek: «QazAqparat». Sýret: 24.kz.