PETROPAVL. 27 sáýir. Petropavlda Qazaqstan Respýblıkasy Prezıdenti saılaýyn qoldaýǵa arnalǵan avtosherý ótti. Ony «4h4» avtoklýbynyń basshysy Aleksandr Gradvol avtosúıer qaýymnyń jáne úkimettik emes uıymdardyń qoldaýymen uıymdastyrdy. Bul týraly egemen.kz habarlady.
Avtosherýge Qazaqstan Respýblıkasy memlekettik týy jáne «Máńgilik el» týymen bezendirilgen 35 avtokólik qatysty. Jastar «Biz de Otanymyzdyń patrıoty retinde saılaýǵa óz úlesimizdi qosqymyz keldi», – dep urandatty. «Bıpek-avto» jáne «Vıvaga-Lada» kompanııalarynyń sý jańa kólikterinen, sondaı-aq, motosıklısterden quralǵan tizbek «Soltústik shuǵylasy» saıabaǵynan bastalyp, barlyq kóshelermen júrip ótti. Sondaı-aq, Pestroe kóli jaǵalaýyndaǵy Táýelsizdik alańyna da aıaldady.
Qalanyń ónerpazdar úıirmeleri «Biz saılaýda daýys bere otyryp, belsendi azamattyq kózqarasymyzdy bildirdik» degen uranmen kópshiliktiń nazaryna shoý-baǵdarlama usyndy.
О́mir Esqalı.
Derek, sýret: egemen.kz.
