- Atmosferalyq frontaldy bólikterdiń áserinen Qazaqstan aýmaǵynyń basym bóliginde kún raıy buzylady: naızaǵaı oınap, jańbyr jaýady, elimizdiń shyǵysynda, ońtústik-shyǵysynda túnde qatty jaýyn-shashyn (jańbyr, qar) bolady, kúndiz de jańbyr jaýady. Qazaqstan boıynsha tirkelgen ortaq tabıǵı qubylys - jeldiń ekpin alýy, shyǵysta túnde jáne tańerteń tuman bolady. Túnde Shyǵys Qazaqstan oblysynyń shyǵysynda, Qaraǵandy oblysynyń soltústiginde, shyǵysynda topyraq beti qatyp, úsik júredi: synap baǵany 2 gradýs sýyqty kórsetedi dep kútiledi, dep jazdy"Qazgıdromet" RMK.
Boljamǵa sáıkes, Ulytaý, Jetisý oblystarynda, Batys Qazaqstan oblysynyń batysynda, soltústiginde, Qyzylorda óńiriniń soltústik-shyǵysynda, Aqtóbe oblysynyń ońtústik, batys, ortalyq bóliginde, Almaty oblysynyń soltústiginde, Qaraǵandy óńiriniń batysynda, shyǵysynda, Qostanaı oblysynyń ońtústiginde órt qaýpi joǵary bolady.
Qyzylorda, Túrkistan, Jambyl, Atyraý, Mańǵystaý, Batys Qazaqstan oblystarynda, Ulytaý óńiriniń ońtústiginde, Abaı oblysynyń batysynda, soltústik-batysynda, Jetisý óńiriniń ońtústiginde, soltústiginde tótenshe órt qaýpi saqtalady.
