Fýtbol. Qazaqstannyń 16 maýsymǵa josparlanǵan oıyny ótpeıtin boldy

ASTANA. 13 maýsym. Fýtboldan Qazaqstan quramasynyń 16 maýsymǵa josparlanǵan Ýgandaǵa qarsy oıyny ótpeıtin boldy. Bul týraly vesti.kz habarlady. Buǵan deıin eki eldiń fýtbol federasııalary arasynda joldastyq kezdesý týraly kelisim bolǵan. Degenmen, belgilengen merzimge úsh kún qalǵan kezde matchtyń ótpeıtini belgili boldy. Munyń sebebi aldaǵy ýaqytta jarııalanady. Negizi 16 maýsymda Iýrıı Krasnojannan tálim alatyn fýtbolshylarymyz Afrıkanyń taǵy bir ókili Kabo-Verdeni qabyldaýy tıis edi. Alaıda, qarsylasymyz sońǵy sátte Qazaqstanǵa kelýden bas tartty. Soǵan baılanysty Ýganda quramasymen kelisim jasalǵan edi. О́kinishke qaraı, bul elmen de fýtbol oınaý múmkin bolmaı otyr. Osydan bir aı buryn Qazaqstan quramasy qara qurlyqtan kelgen Býrkına-Faso komandasyn qabyldaǵany belgili. Atalǵan matchta esep ashylǵan joq. Al ulttyq quramamyz sońǵy oıynyn keshe Túrkııa quramasyna qarsy ótkizdi. Fýtboldan 2016 jylǵy Eýropa chempıonatyna irikteý týrnıri aıasynda ótken kezdesýde túrikter 1:0 esebimen jeńiske jetti. Elaman Qońyr. Derek, sýret: vesti.kz.