Qazaqstan Respýblıkasynyń 1993 jylǵy 22 qańtardaǵy Memleketaralyq baǵaly qaǵazdar naryǵyn retteý týraly kelisimge qatysýshy bolmaý nıeti týraly
“Qazaqstan Respýblıkasynyń halyqaralyq sharttary týraly” Qazaqstan Respýblıkasynyń 2005 jylǵy 30 mamyrdaǵy Zańynyń 18-babyna sáıkes qaýly etemin: 1. Qazaqstan Respýblıkasy Syrtqy ister mınıstrligi Táýelsiz Memleketter Dostastyǵynyń Atqarýshy komıtetin Qazaqstan Respýblıkasynyń 1993 jylǵy 22 qańtardaǵy Memleketaralyq baǵaly qaǵazdar naryǵyn retteý týraly kelisimge qatysýshy bolmaý nıeti týraly habardar etsin. 2. Osy Jarlyq qol qoıylǵan kúninen bastap qoldanysqa engiziledi. Qazaqstan Respýblıkasynyń Prezıdenti N.NAZARBAEV. Astana, Aqorda, 2010 jylǵy maýsymnyń 16-sy. № 1000
“Qazaqstan Respýblıkasynyń 1993 jylǵy 22 qańtardaǵy Memleketaralyq baǵaly qaǵazdar naryǵyn retteý týraly kelisimge qatysýshy bolmaý nıeti týraly” Qazaqstan Respýblıkasy Prezıdentiniń 2010 jylǵy 16 maýsymdaǵy №1000 Jarlyǵyna
TÚSINIKTEME
2010 jylǵy 16 maýsymda Qazaqstan Respýblıkasynyń Prezıdenti “Qazaqstan Respýblıkasynyń 1993 jylǵy 22 qańtardaǵy Memleketaralyq baǵaly qaǵazdar naryǵyn retteý týraly kelisimge qatysýshy bolmaý nıeti týraly” №1000 Jarlyqqa qol qoıdy. Atalǵan Jarlyq Memleketaralyq baǵaly qaǵazdar naryǵyn retteý týraly kelisimnen (budan ári – Kelisim) shyǵý maqsatynda ázirlendi. Kelisimge 1993 jylǵy 22 qańtarda Mınsk qalasynda Táýelsiz Memleketter Dostastyǵynyń (budan ári – TMD) on qatysýshy memleketi qol qoıdy jáne Kelisimniń taraptary bolyp tabylatyn TMD-ǵa qatysýshy memleketterdegi memleketishilik rásimder aıaqtalmaýy sebepti osy ýaqytqa deıin kúshine engizilgen joq. Reseı Federasııasy TMD-nyń Atqarýshy komıtetin Kelisimge qatysýshy bolmaý nıeti týraly habardar etti, Ýkraına da memleketishilik rásimderdi oryndaýdy qoıa turý nıeti týraly habardar etti. Qazirgi ýaqytta olardyń aıasynda osy Kelisim ázirlengen TMD-ǵa qatysýshy memleketter qarjy naryǵynyń jumys isteý sharttarynyń ózgerýi sebepti (rýbl aýmaǵynan shyǵý, baǵaly qaǵazdar naryǵy damýynyń ár túrli deńgeıi) Kelisim óziniń ózektiligin joǵaltty. Qazaqstan Respýblıkasy Prezıdenti Ákimshiliginiń Áleýmettik-ekonomıkalyq monıtorıng bólimi.
