Basqa basylymdardan: Qazaqstan úshin mańyzy zor

Ashylý saltanatynda kópshi­lik aldyna shyq­qan birinshi komanda – alǵashqy Dúnıejúzilik kóshpeliler oıyndaryn qabyl­daǵan Qyrǵyzstan boldy. Tuńǵysh oıyndarǵa 19 elden sportshylar qatysqan bolatyn. Bul Qazaqstan astanasyndaǵy oıyndarǵa kelgen komandalar sanynyń tórtten birine teń. Sonymen birge Astanadaǵy oıyndarǵa kóshpeli mádenıeti joq elder de qatysyp jatyr.

Bul jyly Amerıka qurly­ǵynyń barlyq elinen sportshylar keldi. Amerıkalyq kovboılar Brazılııa, Venesýela, Domınıkan Respýblıkasy, Argentına, Barbados, Chılı, Kolýmbııa, Ekvador, Meksıka, Panama, Ýrýgvaı ókilderi jarys jolyna shyqpaq.

V Dúnıejúzilik kóshpeliler oıyndaryna kelgen eń iri delegasııalar – Qazaqstan, Qyrǵyzstan, Reseı, Mońǵolııa jáne Pákistannyń komandalary. Eń kishkentaı komanda – 1 ǵana sportshydan turatyn Shveısarııa quramasy.

Álem elderi úshin Olımpııa oıyndary qandaı mańyzdy bolsa, kóshpeli mádenıettiń besigi sanalatyn Qazaqstan úshin Dúnıejúzilik kóshpeliler oıyndary sondaı mańyzdy.

Búrkitshiler saıysynda jeńiske jetkender 2000 dollardy qaltasyna basady, al basqa sport túrlerinen altyn medal alǵandar 1000 dollarǵa ıe bolmaq.

Qazaqstan bıligi búkil álemge telearna arqyly trans­lıasııa jasaıtyn oıyndar belgili qazaqstandyq ánshi Dımash Qudaıbergenniń konsertimen aıaq­tal­maq.

Álem tarıhynda tereń iz qaldyrǵan órkenıet

V Dúnıejúzilik kóshpeli­ler oıyn­darynyń ashylý salta­na­­­­ty­na qatysqan Qazaqstan ­Pre­­­zı­denti Qasym-Jomart To­qaev kóshpeliler órkenıeti álem ta­­rı­hynda tereń iz qaldyr­ǵanyn aıtty.

«Astana Arena» stadıonynda ótken is-sharaǵa О́zbek­stan prezıdenti Shavkat Mırzııoev, Qyrǵyzstan pre­z­ıdenti Sadyr Japarov, Túrikmenstan Halyq Más­lı­­hatynyń tóraǵa­sy Gýrbangýly Berdi­muha­me­dov, Tatarstan raısy Rýs­tam Mınnıhanov, Saha Res­pýb­­lıkasynyń basshysy Aısen Nıkolaev, Mońǵo­lııa­nyń eks-prezıdenti Nambaryn Enhbaıar, t.b. qatysty.

Qasym-Jomart Toqaev óz sózinde halyqaralyq aýqymdaǵy iri jarysqa qatysýǵa kelgen baýyrlas elderdiń basshylaryna, joǵary mártebeli qonaqtar men sportshylarǵa alǵysyn bildirdi. Ol sondaı-aq kóshpeliler órkenıeti álem tarıhynda tereń iz qaldyrǵanyn, Uly dalanyń kóshpeli halqy yqylym zamannan Eýrazııa keńistigin mekendegenin aıtty. О́z zamanyna saı ınnovasııalyq tehnologııaǵa ıe bolǵan olar ǵalamdyq progreske úles qosqanyn tilge tıek etti.

Qazaqstan Prezıdenti qazaq jeri álemge ǵylym men gýma­nıstik ıdeıalardyń damýyna eleýli úles qosqan Ál-Farabı men Qoja Ahmet Iаsaýı sekildi kórnekti tulǵalardy bergenin jetkizdi. Ata-babalary qýatty memleketter quryp, Uly dala tósinde kólemi men kórki jaǵynan tańdaı qaqtyrar Otyrar, Túrkistan, Taraz, Saraıshyq sekildi qalalardy turǵyzǵanyn atap aıtty.

Jalpy júlde qory – 253 mln teńge

Tatarstan raısy Rýs­­tam Mınnıhanov qa­zaq tarapynyń sha­qy­­rýy­men V Dúnıe­jú­zi­lik kósh­peliler oıyn­da­ry­nyń ashylýyna qa­tysýǵa Astanaǵa taban tiredi.

Ashylý saltanaty aldynda ony Aqorda rezıdensııasynda Qazaqstan Prezıdenti qabyldady. Ol Qasym-Jomart Toqaevty kóshpeliler oıyn­darynyń bastalýymen quttyqtap, «kóshpeli órke­nıet mádenıetiniń jańǵyrýy men saqtalýyna teń­dessiz úles qosady» dep atap ótti. Aıta ketsek, Reseı quramasy qatarynda 27 sportshy men 5 bapkerden turatyn Tatarstan komandasy da óner kórsetedi.

«BRIKS sammıtine daıyndalyp jatqanyńyzǵa qaramastan, ýaqyt taýyp bizdiń elge kelip otyrsyz. Siz ben bizdiń birlesken jobalarymyz jospar boıynsha oryndalyp jatyr jáne meniń tikeleı baqylaýymda», dedi Qasym-Jomart Toqaev.

Úsh myń ártistiń qatysýymen mýzykalyq-teatrlandyrylǵan shoý túrinde ótken ashylý saltanaty Máskeý ýaqytymen saǵat 17:00-de bastaldy. Onda Tatarstan Respýblıkasynyń Memlekettik án-bı ansambli de óner kórsetti.

Kezekti V kóshpeliler oıyndary «Uly daladaǵy kezdesý» uranymen ótip jatyr. Oǵan 91 elden 2,5 myńnan astam sportshy qatysady. Jarystyń jalpy júlde qory – 253 mln teńge (47 mln rýbl).

Jarys baǵdarlamasyna 21 sport túri qosylǵan, onyń ishinde ulttyq kúres túrleri, dástúrli sadaq atý, dástúrli zııatkerlik oıyndar, t.b. bar. Baǵ­dar­lamaǵa qosylǵan oıyndar kóbirek bolýǵa tıis edi, alaıda kóktemgi sý tasqynynan keıin Qasym-Jomart Toqaev is-sharanyń bıýdjetin azaıtyp, nátı­je­sinde Oıyndardy uıymdastyrýǵa 5,7 mlrd teńge bólindi.

Sporttyq nysandardan bólek, Astanada kóshpeliler oıyndary aıasynda ózge de lokasııa­lar iske qosylǵan. Mysaly, «Qazanat» ıppodromy janynan ashyq aspan astyndaǵy Kóshpeliler órkenıeti mýzeıi, Shyǵys bazary, ulttyq oıyndarǵa arnalǵan balalar oıyn alańy bar «Kóshpeliler álemi» ­aýyly oryn tepken.

Saltanatty sherý sapynda boldy

8 qyrkúıekte Asta­­na­da V Dúnıe­­júzi­lik kósh­peliler oıyn­da­ry­­nyń ashy­­­lý sal­ta­naty­ ótti. «Asta­na Arena» stadıonynda uıym­­das­­ty­rylǵan ǵalamat is-sharaǵa 3 myń ártis qatys­ty.

Teatrlandyrylǵan qoıylym qatysýshy memle­ket­terdiń saltanatty sherýimen bastaldy. Solardyń qa­tarynda ázerbaıjan sportshylary da alańnan júrip ótti.

Aıta ketsek, bizdiń elimizden 54 sportshy 8 sport túri­­­nen baq synaıdy. Dúnıejúzilik kóshpeliler oıyn­­­dary 8-13 qyrkúıek aralyǵynda ótedi. Onda ­21 sport túrinen 97 medal jıyntyǵy sarapqa salyn­baq.