foto: oqý-aǵartý mınıstrligi
«Maman daıarlaýdaǵy mańyzdy qadam – bıznespen ynymaqtastyq qurý bolyp tabylady. Qazirgi ýaqytta 518 kásiporyn dýaldy oqytý, sheftik qamqorlyqqa berý sekildi túrli ózara yntymaqtastyq quraldaryn qoldana otyryp, 410 kolledjben tyǵyz qarym-qatynasta jumys jasap jatyr. Bul stýdentterdi praktıkalyq daıyndyqpen jáne jumyspen qamtamasyz etýge óz septigin tıgizedi. Qazaqstanda kolledj túlekteriniń jumysqa ornalasý kórsetkishi 79%-dy quraıdy», dep atap ótti mınıstr Ǵanı Beısembaev.
Búginde 772 kolledj 565 myń stýdentke bilim berip otyr, onyń ishinde 177 myń stýdent bıyl oqýǵa qabyldanǵan. 91 myń stýdent dýaldy oqýmen qamtylǵan.
Memleket basshysynyń tapsyrmasymen bıylǵy oqý jylynan bastap kolledjderde memlekettik tapsyrys kólemi byltyrǵy jylmen salystyrǵanda 12 myńǵa artyp, 145 myń oryndy quraǵan. Osylaısha, suranysqa ıe mamandyqtar boıynsha stýdentterdi tegin tehnıkalyq jáne kásiptik bilim berýmen qamtý 90%-ǵa jetip otyr.
