Sábeń syry men Ǵabeń ǵıbraty

Jýyrda Almatydaǵy Sábıt Muqanov pen Ǵabıt Músirepovtiń ádebı-memorıaldyq mýzeı kesheni­niń dırektory, halyqaralyq «Alash» ádebı syılyǵynyń laýrea­ty, aqyn Ádilǵazy Qaıyrbekovtiń «Tulǵalar taǵylymy: Sábıt pen Ǵabıt» atty kitaby jaryq kórdi. Kitapqa qazaq ádebıetiniń qos klas­sıgi, ómirde de, ónerde de jup­tary jazylmaǵan jazý­shylardyń ǵumy­ry men shyǵar­mashylyǵy, ósken or­tasy men qyzmet kezeńderi, ádebı mura­lary men mýzeıdegi jádigerler, qoǵam­­dyq-áleýmettik, azamattyq-qalam­­gerlik tulǵalary jan-jaqty arqaý bolǵan. «Shákárim qajynyń Sábeńe haty», «Mıhaıl Sholohov pen Sábıt Muqanov», «Zar-muńymdy uqqan Zataevıch», «Kenekeń men Sábeń», «Ǵabeńniń taǵdyrly tórt haty», «Ǵajaıyp Ǵabeń», «Shoqan shyq­qan shyń», «Jambyl-jyrdyń janashyrlary», «Batyrlar jyry baýyrlastyrǵan S.Muqanov pen M. Ǵabdýllın», «Botagóz – Gúlfaırýs», «B.Maılın men Ǵ.Músirepov: shy­ǵar­mashylyq baılanystar», t.b. ǵylymı-zertteý maqalalar, esseler, oı-tolǵamdar, syr-suhbattar negizgi taqyryp – Sábeń syry men Ǵabeń ǵıbratyna úıirip alyp kelip otyrady. Avtor ádebıettiń qos alybynyń mýzeılerindegi qarapaıym jádi­gerlerden, sar­ǵaıǵan hattar men kóne fotosýretterden kól-kósir áńgime órbitip áketedi. Ǵasyrǵa jýyq ǵumyr keshken, el anasy atanǵan Márııam Muqankelininiń súıikti jary týraly, el men jer, ádebıet pen áleýmet týraly aǵytqan syrlary da qymbat. Kitaptyń sońyn­da árbir maqalaǵa ǵylymı túsi­nik­teme berilgen. Akademık-jazý­shy­lardyń tulǵalaryn jańa qyr­lary­nan tanýda, qalamgerlik qarym­daryn oı súzgisinen ótkerýde, ozyq ónegelerin keler urpaqqa jetkizýde bul eńbektiń qosar úlesi qomaqty. Nazgúl ALTAEVA.