Foto: parlam.kz, akzhol.kz
Depýtat Azat Perýashev Dmıtrıı Vasılevtyń qamaýǵa alynǵany týraly aqparat keshe ǵana rastalǵanyn málimdedi.
«Bul aqparat otandyq BAQ-ta jarııalandy, biraq resmı málimdeme bolǵan joq. Juma kúni UQK-ǵa saýal jiberdik. Al keshe «Dmıtrıı Vasılev ustaldy» degen resmı jaýap aldyq. Bizge onyń advokattaryn kórsetti, olarǵa habarlasýǵa tyrystyq. Biraq nátıje bolmady. Endi búgin-erteń olardy tabamyz dep úmittenemin. Advokattar beretin aqparatqa súıene otyryp, ne bolyp jatqanyn túsinemiz», dedi depýtat.
Azat Perýashev istiń mán-jaıy anyqtalyp jatqanyn, sondaı-aq para berýge májbúr bolǵan adamnyń qylmysker bolyp sanalmaıtynyn alǵa tartqan.
«Qandaı bap ekeni naqtylanbady. Bizge belgisiz qyzmettik hattar taraǵan sııaqty. Dálirek aıtsaq, oǵan emes, Ulttyq ulannyń laýazymdy tulǵasyna «para aldy» dep aıyp taǵylǵan bolýy múmkin. Munda istiń mán-jaıyn túsiný kerek. Qylmystyq kodekstiń 367-babyna sáıkes, para berýge májbúr bolǵan adam qylmysker dep sanalmaıdy. Paranyń bastamashysy kim bolǵanyn anyqtaý kerek. Ne Vasılev, ne ol bopsalaýdyń qurbany boldy», dedi Perýashev.
Eske sala keteıik, Ishki ister mınıstrligi Ulttyq ulan bas qolbasshysy orynbasarynyń ustalǵany týraly aqparatty rastady. Habarlamada general-maıor Konstantın Voronkınniń, sondaı-aq «Aq jol» partııasy tóraǵasynyń orynbasary Dmıtrıı Vasılevtiń esimi atalǵan.
