– О́z basym Dúnıejúzilik kóshpeliler oıynyna ekinshi ret qatysyp otyrmyn. Qazaqstanǵa saparlap kelgenimizge óte qýanyshtymyn. Ashylý saltanaty joǵary deńgeıde ótti. Etnoaýyl tórinde ornalasqan etnomádenı sharalar tamasha áser qaldyrdy. Qarasańyz kóz toımaıtyn qoldanbaly óner týyndylary qazaq mádenıetiniń belgisi ekeni anyq.
Jalpy, dástúrli sadaq atý stıli bizdiń elde jaqsy damyǵan. Koreıada sadaq qarýynyń paıda bolǵanyna jeti myń jyl toldy degen tarıhı boljam bar. Oǵan dálel, Koreıanyń Ýlsan qalasynda ejelgi bir úńgirden sadaqpen kıt atyp jatqan sýret tabylǵan. Bul sýret shamamen 7 myń jyl buryn salynǵan dep jobalanady.
Osynyń jalǵasy qazirgi koreı sadaǵy basqalardan kishirek, yńǵaıly, sondyqtan da elimizde bul sport keńinen taraǵan. Elimizde 400-ge jýyq sadaq atý ortalyǵy jumys isteıdi. Onda kez kelgen adam sadaqtyń jasalý jolymen tanysyp, tegin jattyǵa alady. Orta mektepterde jasóspirimderge arnalǵan sadaq atý sabaqtary ótkiziledi.
Buıyrsa, kelesi jyly dástúrli sadaq atýdan halyqaralyq jarys uıymdastyrý oıda bar. Osyǵan qazaqstandyq mergenderdi shaqyramyn. Bul shara buǵan deıin toǵyz dúrkin ótken bolatyn. Jarys kezinde tek sadaq atý ǵana emes, kóptegen sporttyq buqaralyq oıyndar uıymdastyrylady.
