Foto:senate.parlam.kz
Aıta keteıik, zań kedendik operasııalar prosesin jedeldetýge jáne tıisti rásimder qujattarynyń sanyn qysqartýǵa arnalǵan. Sondaı-aq qujat saýda-ekonomıkalyq qatynastardy damytýǵa jáne Túrki memleketteri uıymyna múshe elder arasyndaǵy ózara ekonomıkalyq ıntegrasııany nyǵaıtýǵa yqpal etpek.
«Memleket basshysy bıylǵy Joldaýynda elimizdiń tranzıttik áleýetin arttyrý máselesine erekshe toqtalyp, naqty tapsyrmalar bergen bolatyn. Bul – táýelsiz memleketimizdiń aldynda turǵan strategııalyq mańyzy bar mindetterdiń biri. Búgin qaralǵan zań osy maqsatqa qol jetkizýdi kózdeıdi. Kelisim Túrki memleketteri uıymyna múshe memleketter arasynda jeńildetilgen kedendik baqylaý ornatý úshin quqyqtyq negiz qalyptastyrady. Maquldanǵan zań júkterdi tasymaldaý kólemin arttyryp, taraptar arasynda saýda-ekonomıkalyq belsendiliktiń ósýine oń áserin tıgizedi dep senemiz», dedi Máýlen Áshimbaev.
Nurlan Bekenov Senat otyrysynda Túrki memleketteri uıymyna múshe memleketter arasyndaǵy kedendik dálizdi ońaılatý týraly zańdy talqylaý barysynda 2024 jyldyń 8 aıynda uıymǵa múshe memlekettermen Qazaqstannyń syrtqy saýdasynyń kólemi 10,4 mlrd dollardy quraǵanyn atap ótti.
«Tutastaı alǵanda, kelisimdi ratıfıkasııalaý Qazaqstan úshin Ortalyq Azııany álemdik saýda ortalyqtarynyń birine aınaldyrýǵa jáne Qazaqstannyń Halyqaralyq ekonomıkalyq arenadaǵy pozısııasyn nyǵaıtýǵa odan ári járdemdesetin jańa perspektıvaly saýda jolyn ashady», dedi Nurlan Bekenov.
