Mańǵystaý oblystyq prokýratýrasy baspasóz qyzmetiniń habarlaýynsha, óńirlik ádilet departamentiniń orynbasary qadaǵalaý organynyń aktisin ýaqytyly qaramaǵany úshin sot qaýlysymen 8 AEK kóleminde aıyppul tóleý túrinde ákimshilik jaýaptylyqqa tartyldy.
Ákimshilik quqyqbuzýshylyq týraly is prokýrordyń usynýymen qaraý merzimin retteıtin "Prokýratýra týraly" Konstıtýsııalyq zańynyń talaptaryn óreskel buzǵany úshin qozǵaldy.
- Atap aıtqanda, laýazymdy tulǵa zańda belgilengen merzimge qaramastan, qalalyq prokýratýranyń usynýyn bir aıdan astam ýaqyt boıy tıisinshe qaraý jóninde sharalaryn qabyldamaǵan. Prokýratýranyń talabynan keıin usynýdyń qaraý qorytyndysymen 8 jeke sot oryndaýshy tártiptik jaýaptylyqqa tartyldy, memleket kirisine 11 mln teńgeden astam qarjy óndirildi. Memlekettik qyzmetker óz kinásin tolyq moıyndap, salynǵan aıyppuldy tóledi, - delingen habarlamada.
Prokýratýra aktilerin qaramaý, sol sııaqty tıisinshe qaramaý, oryndamaý ne prokýrordyń zańdy talaptaryn oryndamaý Qazaqstan Respýblıkasynyń zańdarynda belgilengen jaýaptylyqqa alyp keletindigi eskertiledi.
