Foto: Vedomstvo
Sala mınıstri Nurjan Nurjigitov Azııa jáne Tynyq muhıty óńirine arnalǵan ekonomıkalyq jáne áleýmettik komıssııanyń Atqarýshy hatshysy Armıda Alıshahbana bastaǵan BUU delegasııasymen kezdesti.
«Elimizdegi 9 joǵary oqý ornymen yntymaqtastyq týraly memorandýmǵa qol qoıdyq. Bıyl «Bolashaq» baǵdarlamasyna sý salasynyń mamandyqtary qosyldy. Qazaqstannyń 2 ýnıversıteti Tashkent ırrıgasııa jáne aýylsharýashylyǵyn mehanıkalandyrý ınjenerleri ınstıtýtymen qosdıplomdy bilim berýdiń birlesken baǵdarlamasyn iske qosty. Taraz qalasynda jeke Ulttyq sý sharýashylyǵy jáne ırrıgasııa ýnıversıteti ashyldy. Endigi maqsatymyz – osy oqý oryndaryna sheteldik úzdik professor-oqytýshylardy ákelý. Biz Qazaqstanǵa kelýge nıetti nemese qashyqtan oqytýǵa daıyn mamandarmen jumys isteýge ázirmiz», dedi Nurjan Nurjigitov.
Armıda Alıshahbana:
«Biz óz tarapymyzdan Qazaqstan Respýblıkasynyń «Halyqaralyq Araldy qutqarý» qoryna tóraǵalyǵy aıasynda Ortalyq Azııa memleketteriniń transshekaralyq sý resýrstaryn paıdalaný máselesin retteýge kómek kórsetýge daıynbyz. Sondaı-aq, Qazaqstan mamandaryn sý salasynda tájirıbe almasý maqsatynda uıymdastyrylatyn bizdiń túrli is-sharalarymyzǵa jáne muzdyqtardy qorǵaý jónindegi halyqaralyq jobaǵa qatysýǵa shaqyramyz», dedi.
