Otandasymyz Nadejda Nogaı – aýyr atletıkadan álem chempıony!

ASTANA. 15 maýsym. Polshanyń Vroslav qalasynda ótken aýyr atletıkadan jasóspirimder arasyndaǵy álem chempıonatynda Qazaqstan sportshysy Nadejda Nogaı chempıon atandy. Bul týraly Qazaqstan aýyr atletıka federasııasynyń baspasóz qyzmeti habarlady. +75 kılo salmaq dárejesinde synǵa túsken Nadejda julqa kóterýde 125 kılo ziltemirdi baǵyndyrdy. Al serpe kóterýde otandasymyz 150 kılo tartatyn shtangany yrqyna kóndirdi. Nátıjesinde ol qos jattyǵý qorytyndysy boıynsha 275 kılomen jeńimpaz atandy. Ekinshi oryn alǵan Taıland eliniń atleti Dýanganksorn Chaıdı 259 kılomen shektelse (113+146), qola júldeger atanǵan Týnıs sportshysy Iosra Dıbtiń kórsetkishi – 251 kg. (111+140). Nadejda Nogaıdyń jeńisi týraly ulttyq quramanyń bas jattyqtyrýshysy Alekseı Nı: «Biz Nadıanyń kúsh-qýatyna sengendikten, odan kóp nárse talap ettik. Qarsylasynan 16 kg.-ǵa ozyp ketý ol úshin túk emes. Nadejdanyń múmkindigi budan da joǵary nátıje kórsetýge jetedi», – dedi. Elaman Qońyr. Derek: Qazaqstan aýyr atletıka federasııasynyń baspasóz qyzmeti. Sýret. sports.kz.