Áıelder qanaty jáne oı tarazysy

Is-sharany ashqan Erlan Qoshanov Memleket basshysy Qasym-Jomart Toqaev áıel­der qoǵam ómirine jáne eldiń jan-jaqty damýyna zor úles qosatynyn árdaıym aıtyp kele jatqanyn atap ótti. Genderlik teńdikti qamtamasyz etý, áıel­derdiń quqyǵyn qorǵaý jáne otbasy qundylyqtaryn nyǵaıtý – Prezıdent pen «Amanat» partııasynyń basty nazarynda.

Partııa tóraǵasy Áıel­der qanaty bir jarym jylda «Amanat»-tyń qozǵaýshy kúshteriniń birine aınalǵanyn atap ótti. Máselen, Áıelder qanatynyń alǵashqy forýmynda otbasylyq-turmystyq zorlyq-zombylyq máselesi talqylandy. Parlament tıisti zań qabyl­­dap, jaqynda kúshine endi. Sony­men qatar halyqtyń qaryz júk­temesin azaıtý, qumar oıyn­darǵa qarsy kúres týraly jańa zańdardaǵy máseleler de Áıel­der qanaty músheleriniń bastamasymen kóterildi.

Kezdesýge qatysýshylar elimiz­degi eń mańyzdy oqıǵa­lardyń biri – Memleket basshy­synyń Joldaýyn da talqylady. E.Qoshanov ár Joldaý halyqtyń qajettiligi men suranysyna negizdelgen naqty is-qımyl jıyntyǵy ekenin málimdedi. Sonyń biri – keıingi jyldary halyq pen bıznes qatty sezinip otyrǵan energııa tapshylyǵy máselesi. Osyǵan baılanysty Prezıdent AES salý ıdeıasyn usyndy. Qazirgi ýaqyt­ta AES salýdy qoldaý jónindegi Halyq­ shtaby músheleri óńirlerge baryp, kópshi­likke beıbit atom jumysynyń aspektilerin túsin­dirip, turǵyndardy tolǵandyr­ǵan túrli suraq-saýalǵa jaýap berip júr.

«Búginde biz eldiń odan ári damýyna áser etetin barlyq mańyzdy sheshim halyq­pen birge qabyldanyp jatqanyn kórip otyr­myz. Jańa saıası mádenıettiń máni – osyn­da. Biz barlyǵymyz birge jańartyl­ǵan Kons­tıtýsııa úshin daýys berdik. Qazir h­a­lyq qabyldaǵan sheshimniń durys bolǵa­nyn kórip otyrmyz. Bul joly da halyq óz tań­­daýyn jasap, eli­miz­de AES salý-salmaý tý­raly sheshim qabyldaýy kerek», dedi E.Qoshanov.

О́z kezeginde Iаdrolyq fızıka ınstıtýty­nyń ǵylymı hatshy­sy Qarlyǵash Munas­baeva, Iаdrolyq fızıka ınstıtýtynyń ıadro­­lyq jáne fızıkalyq qaýip­sizdik oqý ortalyǵynyń bastyǵy Na­talıa Izmaılova sóz sóıledi. Al Jetisý oblysy Sar­qan aýyly­nan kelgen kásip­ker Kenjetaı Taza­bekova AES qury­lysy boıyn­sha referen­dým ótkizý «Halyq únine qulaq asatyn memleket» tu­jyrymdamasyn júzege asy­rý­dyń aıqyn kórinisi ekenin atap ótti.

Partııa tóraǵasy qazir kási­bı maman­dardyń dáleldi sóz­deri kúmánshil adamdar men synshylardyń pikirinen basym túsip, atom energııasyna qatysty halyqtyń qorqynyshy men úreıin seıiltýi óte mańyzdy ekenin atap ótti. Qoǵam AES qury­lysyn oı tarazysynan ótkizip, durys sheshim qabyl­daýy kerek.