QR Densaýlyq saqtaý mınıstrligi
Búginde elimizde dıspanserlik esepte qaterli isikterdiń remıssııasynda 4 000-ǵa jýyq bala bar jáne jyl saıyn 600-ge deıin jańa jaǵdaı anyqtalady.
Balalar onkologııasy men gematologııasynyń aýrýlary erekshe tásildi qajet etedi, óıtkeni olar qurylymy, nátıjeleri jáne emdeý ádisteri boıynsha eresekterden erekshelenedi.
Jańa Standartta kishkentaı pasıentterge keshendi jáne tıimdi kómek kórsetý úshin barlyq talaptar men usynymdar birinshi ret bir qujatqa biriktirilgen. Standart ımmýnogıstohımııa jáne ımmýnofenotıpteý sııaqty dıagnostıkanyń ozyq ádisterin, sondaı-aq joǵary dozaly hımıoterapııany, aǵzany saqtaıtyn operasııalardy jáne gemopoezdik diń jasýshalaryn transplantattaýdyń barlyq túrlerin qoldanýdy kózdeıdi. Bul aýrýlardy tezirek jáne dál anyqtaýǵa jáne tıimdi emdeýge múmkindik beredi.
«Balalardy dıagnostıkalaý jáne emdeý onkolog mamandardyń, hırýrgtardyń, reanımatologtardyń jáne basqa da dárigerlerdiń mýltıdıssıplınalyq komandanyń qatysýymen kópbeıindi balalar stasıonarlarynda júzege asyrylatyn mindetti kóp deńgeıli tásil alǵash ret engizildi. Bul árbir balaǵa jan-jaqty medısınalyq kómek kórsetedi. Standartta balalar emdeletin medısınalyq uıymdardy jaraqtandyrýǵa, sondaı-aq baqylaý kólemi men merzimderine naqty talaptar belgilengen. Osy talaptardy engizý búkil el boıynsha emdeý sapasynyń birdeı joǵary deńgeıin qamtamasyz etýge kómektesedi. Sondaı-aq, aýrýhanada bolý merzimin qysqartý jáne úıge jaqyn emdeý múmkindigi sııaqty otbasylarǵa júktemeni azaıtý sharalary kózdelgen», delingen QR Densaýlyq saqtaý mınıstrliginiń habarlamasynda.
Jańa standartty iske asyrý balalar onkologııasy men gematologııasy salasyndaǵy otandyq densaýlyq saqtaý jetistikterin kúsheıtýge jáne nyǵaıtýǵa múmkindik beredi.
