foto: QR Qorǵanys mınıstrligi
QR Qorǵanys mınıstrligi baspasóz ortalyǵynyń aıtýynsha Parlamenttiń sheshimimen bıyl úshinshi jyl Qazaqstan bul elge shtab ofıserleri retinde áskerı qyzmetshilerin jiberip keledi. Qyzmet barysynda qazaqstandyq ofıserler ishki ahýalǵa taldaý júrgizip, mıssııanyń ártúrli komponentteriniń is-qımyldaryn úılestiredi, qolbasshylyq úshin egjeı-tegjeıli esepter daıyndaıdy.
Osy ýaqyt aralyǵynda Ortalyq Afrıka Respýblıkasynda QR Qarýly kúshteriniń tórt áskerı qyzmetshisi bolǵanyn atap ótken jón. Qazir onda eki qazaqstandyq bitimger bar. Olardyń jaǵdaıdy turaqtandyrýǵa qosqan úlesin mıssııa basshylyǵy joǵary baǵalap, qoıylǵan mindetterdi kásibı jáne minsiz oryndaǵany úshin qazaqstandyq ofıserler birneshe ret alǵys hattar men medaldar aldy.
Esterińizge sala keteıik, bitimgerlik mıssııasyn Ortalyq Afrıka Respýblıkasynda ornalastyrýǵa BUU Qaýipsizdik Keńesi 2014 jyldyń 10 sáýirinde qolaısyz gýmanıtarlyq jáne saıası jaǵdaıǵa baılanysty ruqsat bergen bolatyn.
