Stýdentter úıiniń qýanyshy

Oqytýshylar men­ stý­dentter­ge arnap sa­lyn­ǵan jataq­hana to­lyq­taı jıhazben, tur­mystyq teh­­nı­kamen qam­ta­masyz etilgen.

Jańa ǵımarattyń ashy­­­lýynda oblys ákimi Ǵ.Nurmuhambetov Petro­pavlda budan basqa da 1,2 myń orynǵa arnalǵan taǵy bir jataqhana­nyń qurylysy aıaqtalýǵa jaqyn ekenin jetkizdi. Bul nysan paıdalanýǵa beril­gennen keıin ýnıversıtet stý­dentteri júz paıyz ja­taq­hana­men qamtylady. Sondaı-aq Ǵy­lym jáne joǵary bilim mınıstri Saıa­sat Nur­bek qazir M.Qozybaev ýnı­­­ver­­sıtetin halyqaralyq zert­teý ýnıversıtetine aınaldyrý maq­saty turǵanyn aıtty.

«Bul ýnıversıtet aka­de­mııa­lyq sheberlik ortalyq baǵ­dar­­la­masyna tańdap alyndy. Endi jyl saıyn oqý orynnyń ále­ýe­tin kóterý men ǵylymı zert­teý ju­mys­taryna baılanysty qo­symsha qarjy alyp otyrady», dedi ol.

M.Qozybaev atyndaǵy Sol­tústik Qazaqstan ýnı­versıteti 2022 jyldan beri Memleket basshysynyń tapsyrmasy­men AQSh-tyń Arızona ýnı­ver­sıtetimen yntymaqtas­tyq baıla­nys ornatqan. Búgingi tańda eki joǵary oqý orny arasynda ortaq 16 joba iske asyp otyr. Osy baǵyt­taǵy qosdıplomdyq baǵdarlama IT, bıotehnologııa jáne ınklıýzıvtik bilim úrdisinde oqytylady. Oqý baǵdarlamasy Amerıka, Qazaqstan jáne basqa da shetel ǵalymdarynyń qaty­sýymen aǵylshyn tilinde júrgiziledi. 2025 jyly Arızona ýnıversıtetine úshinshi kýrs­tyń 40 stýdenti attanyp, sonda bilim alady. Buǵan ketetin barlyq shyǵyndy M.Qozy­baev ýnıversıteti kóteredi. Qazir­gi kúni qos eldiń birlesken baǵ­dar­lamasymen 1 033 stýdent oqıdy. Olardyń bári elimizdiń ár óńirinen kelgen. Aldaǵy úsh jylda taǵy da «Bıznes jáne menedjment», «Jalpy medısına», «Sý resýrstary» boıynsha oqý baǵdarlamasy iske asady. Onda 1 500 stýdent bilim alady dep jos­parlanyp otyr.

Sonymen qatar ashylý saltanatynda Arızo­na ýnı­versıtetiniń vıse-prezıdenti Djennı Lı de sóz alyp, M.Qozybaev ýnıversıtetin aralap kór­genin tilge tıek etti.

«Biz ýnıversıtettiń bar­lyq korpýsyn aralap kórdik. Shy­nym­dy aıtsam, oqý orny úlken progreske qol jetkizgen eken. Ásirese ǵylymı zertteý ortalyq­tary men aýdıtorııalardyń bári talap­qa saı jasalǵan. Beınelep aıtqanda, jaınap tur. Bıyl biz dýal­dy oqý baǵdarlamasymen úshinshi jyl stýdentterdi qabyl­daımyz. Endi osy jobanyń tabysty bolýyna kúsh salamyz», dedi ol.

Qazir M.Qozybaev atyn­daǵy Soltústik Qazaqstan ýnıver­sı­te­tinde alty myń­daı stýdent oqı­dy. Onyń ishinde 1 200-den asa stýdent jataqhanada turady. Atal­ǵan joǵary oqý orny qazir Arızona ýnıversıtetimen ǵana emes, Qytaıdyń Soltústik-Batys aýylsharýashylyq jáne orman sharýashylyǵy ýnıversıtetimen de birlesip, úsh jaqty sý resýrs­ta­ry­nyń ortalyǵyn ashýdy kózdep otyr. Bul týraly memorandýmǵa bıyl­ǵy sáýir aıynda elordada qol qoıyl­ǵan.

PETROPAVL