Sýret: adyrna.kz
Jezqazǵan qalasynda ótken kezdesýge 300-ge jýyq adam qatysty. Onda óńir ekonomıkasynyń damý múmkindikteri talqylandy. Damyǵan ónerkásibimen tanymal Ulytaý oblysy kóptegen ekologııalyq máselelerge tap bolyp otyr. «Amanat» partııasynyń atqarýshy hatshysy Dáýlet Káribektiń aıtýynsha, bıyl 6 qazanda otandastarymyz eldiń bolashaǵyn aıqyndaıtyn tańdaý jasaıdy.
«Atom stansasyn salý týraly sońǵy sheshimdi halyq qabyldaıdy. Dál osy maqsatta referendým ótkiziledi. Ulytaý – bul tek ulttyń rýhanı tiregi ǵana emes, sonymen qatar ejelgi metallýrgııa jáne taý-ken ónerkásibiniń oshaǵy. Bul óńirdiń halqy myrysh quıyp, qurysh balqytýdyń, sondaı-aq shahtalardaǵy eńbektiń mánin jaqsy biledi. Eger Prezıdent aıtqandaı, Ádiletti Qazaqstandy qurǵymyz kelse, onda óz tańdaýymyzdy jasaýymyz kerek. 6 qazanda ótetin referendým – osyndaı tarıhı qadamdardyń biri», dedi D.Káribek.
Halyq shtabynyń músheleri AES qurylysy máselesin jalpyulttyq referendýmǵa shyǵarý eldegi demokratııalyq ınstıtýttardyń nyǵaıýynyń mańyzdy kórsetkishi, «Halyq únine qulaq asatyn memleket» tujyrymdamasyn júzege asyrýdyń dáleli ekenin atap ótti.
Sondaı-aq osy kúni shtab músheleri Sátbaev qalasyna baryp, G.Omarov atyndaǵy shahta qazý tresiniń shahterlerimen kezdesti. Talqylaýǵa 100-den asa shahter qatysty, onda bolashaq energetıka jáne eńbek naryǵynyń negizgi máseleleri qozǵaldy. Qatysýshylar Ádiletti Qazaqstan qurý shahterlerdiń belsendi qatysýynsyz múmkin emes ekenin atap ótti.
Sodan keıin shtab músheleri Jezqazǵan mys qorytý zaýytynyń metallýrgterimen kezdesti. Eńbek ujymy aldaǵy referendýmǵa belsendi qatysatynyn aıtty.
