Foto: ru.freepik.com
QR Bas memlekettik sanıtarlyq dárigerdiń 2024 jylǵy 17 qyrkúıektegi № 11 qaýlysyna sáıkes 11 jastaǵy qyzdar josparly tártippen vaksınasııalaýǵa jatady. Sondaı-aq 12-13 jastaǵy qyzdarǵa da qosymsha ımmýndaý júrgiziledi.
Aıta keteıik, atalǵan ekpe mektepterdiń medısınalyq kabınetterinde ata-analardyń nemese zańdy ókilderdiń kelisiminen keıin ǵana júrgiziledi. Sondaı-aq ata-analardyń qalaýy boıynsha vaksınasııa qyz bala tirkelgen jerdegi emhanalarda da júrgizilýi múmkin.
Jatyr moıny obyry - Qazaqstandaǵy barlyq jastaǵy áıelder arasynda taralýy boıynsha ekinshi orynda, 25 pen 44 jas aralyǵyndaǵy áıelder óliminiń sebebi boıynsha ekinshi orynda turǵan qaterli isik. Jyl saıyn Qazaqstanda bul derttiń 1900-ǵa jýyq jańa jaǵdaıy tirkeledi.
Ǵylymdar júrgizgen zertteýlerge sáıkes, jatyr moıny obyrynyń negizgi sebebi - APV ınfeksııasyn juqtyrý.
Jatyr moıny obyrynyń aldyn alýǵa baǵyttalǵan eń tıimdi shara - vaksına. APV-ǵa qarsy vaksına halyqaralyq deńgeıde óziniń tıimdiligi men qaýipsizdigin dáleldegen. Búgingi tańda APV-ǵa qarsy vaksına álemniń 135 elinde qoldanylady. Vaksınasııanyń arqasynda kóptegen memlekette áıelder arasynda APV-nyń taralýy 90%-ǵa tómendegenin aıta ketý kerek.
